✴ رهــينــة حـب ...💚(كرونيك باللهجة التونسية )

💙✴الحلقة الثالثة عشر ✴💙

❄🌺🌺🌺❄

ليوم نهار غير اي نهار ...شافها...حكى معاها...قعد معاها...ضحك معاها...شرب قهوة معاها.... إحساس مااحلاه كي نجم يفرحها حتى شوية...بارشا دين عليه  تجاها ولازمو الكل يدفعو مهما يكون....وقت كلمتو ميسون وقتلو ايلي هي خرجت وحدها وطلبت منو مايخليهاش وحدها.... من غير مايخمم ولا يحسب حساب مشالها... لوج لين لقاها ...كان لازم يحسسها ايلي شافها بالصدفة...ورغم انو مايحبش بقلاوة الباي اما شراهولها ليها هي لانو يعرف ايلي هي تحبو...الشي هذا قراه في الجرنال متاعها .

في طمبك خيالاتو جاه تنوقيز الباب ، قام يشوف شكون.... الحق الضيف خلاه يستغرب...لانو مافهمش كيفاش عرف ايلي هو روح لتونس
"نهاااد"

من غير مقدمات عنقتو وعدات يديها على رقبتو وهي تبوس في خدودو ومن بعد دخلت ، نحات كبوطها وقعدت بكل اريحية " قلت مادام هو ما فرحنيش و ماقاليش هاني روحت....نفرحو انا...الحمد الله على سلامتك"

"الله يسلمك...اما شكون قالك "

"هههه معارفي بارشا....ماتخممش ياسر  المهم انا ريتك بعد ها الشهور وانت لاباس ...هاكي الفايدة...توحشتك ع الاخير تعرف ماهو "

"نعرف "

قامت وقعدت بحذاه ، عدات يدها على وجهو وهي تخزر لعينيه " توحشت لونهم ، وتوحشتك اني نراك هكا على قريب "

قربت من شفايفو وباستو ، تقول ضربو الكورون ، نڨز جاء واقف "شتعمل "

عقدت حواجبها "شبيك...عادي "

"شنوة ايلي عادي.... ماكش نرمال ...نهاد...ايا قوم روح "

ضحكت ضحكة صفراء" باهي تو نقوم " لبست كبوطها " يظهرلي مازلت تحب تقعد وحدك ...تحب تزيد تاخو وقتك وتخمم ...اون تو كا...انا نصبر ونتحمل ...تعرفني صبورة بارشا خاصة معاك " جات شتسلم عليه ، وخر خطوتين ، لوات فمها ومشات ناحية الباب ، خزرتلو بحصرة ووجيعة قلب وخرجت ، عدى ايدو على شعرو متوتر ،ظهر بالرسمي مستحق بارشا وقت باش يخممم ويسامحها و يرجع طبيعي معاها.

في الكلوار ماشي لبيروه بعد ما كان عند عامر عرضو حمزة "اه ...شنوة عملت "

"كيف ماقتلي ..كل شي مراقب ...مانتصورش كان يعمل حاجة توا ..ديما ماخو حذرو وحاسب حساباتو "

"بالاخير يجيه نهار ويغلط و هكاكا يخلص القديم والجديد "

جاء ماشي ياخا تفكر حاجة رجعلو " قلي حمزة....انت عطيت نومرويا لميسون "

"إيه ...طلبتك على نومروك القديم لقاتو مسكر ولت طلبتني باش نعطيها نومروك...تقليش تقلقت خاطر عطيتهولها "