✴ رهــينــة حـب ...💚(كرونيك باللهجة التونسية )

🌸الحلقة الخامسة والعشرون 🌸

                ❄💠💠💠❄

حلت عينها بالشوية، بدات تفيق و توعى بايلي يصير ، ضوء سطع فيها ، يدها رزينة شوية ، تفكرت شنوة صار اخر مرة ،يامن...يامن قلبو وقف ، طول جات واقفة ، ماعرفتش  تنحي السيروم سلتو سلان لين الدم جرى ، خرجت قاصدة تطمن عليه، شافتها امها ايلي كانت تستنى لبرا مع ميسون "مريم...شتعمل...وين ماشية "

"يامن...قلبو...وقف...خليتهم يحاولو يرجعوه...خليني نمشي نشوف شنوة صار"

ميسون " يامن لاباس...الحمد الله تعدت سلامات ...وتوا رجع قلبو نرمال..كون مطمانة"

" انت تكذب عليا ميسون تقلي هكا باش ما نتحيرش خايفة عليا...قلي الحقيقة امان"

" والله يامن لاباس"

"خليني نشوفو"

" ماو في بالك مايخلوناش نشوفوه"

آمنة " اول ما يخلونا انت اول وحدة تراه، يعيش بنتي ماتعملش في روحك هكا "

" الجرنال...الجرنال متاعي وينهي كانت في يدي"

ميسون" عندي اهيا في الصاك عطاوهالي بعد مادخت ، واقفة على ساقيك وساكتة ع التعب لين بدنك معادش منجم يتحمل، يعيش اختي ارتاح شوية"

آمنة" بنتي المزيانة، هيا ارجع لفرشك و رتح بدنك واعطيه حقو وتو كي يجي الوقت المناسب تشوف يامن "

يدها تقطر بالدم عملت سطر ورااها وهي داخلة ، جاء فرملي ، عمللها زريقة خلى عينيها فيسع ماتتسكر بالنوم ، وترقد ، وقتها باش تنفست آمنة وبنتها وارتاحو شوية ، ايامات صعيبة ع الناس الكل والصبر يجيبو ربي .

                   🌺✴✴✴🌺

#بعد #مرور #أربعة #ايام

دخل الطبيب خزر للماكينات وعمل طلة علي مكتوب في الفيش متاعو شنوة، قرب الفرملي يتأكد ايلي الخيوط الكل راكبين مليح ، خزر لوجه يامن لقى رموشو تتحرك اول حاجة ثبت ملي راه بالكي هو يستخايل "دكتور المريض بدى فيق"
هز راسو من الفيشة و زرب حذى فرشو ، بدات عينيه تتحل بالشوية شاف وجوه غريبة

"يااامن ...تسمع فيا "

ثبت في وجه الطبيب ايلي يحاول يتأكد من حالتو العقلية ، الضربة كانت كبيرة على راسو و الغيبوبة ايلي صارتلو تنجم تأثر عليه ،قعد هو يكنترولي فيه والفرملي خرج ليلي يستناو ايام في خبى عليه ، وجهو بشرهم بخير ، وقفو مستنينو ينطق ويقول كلمة خير

"يامن فاق و هو توا مع الطبيب "

"الحمد الله ...الحمد الله ياربي "