✴ رهــينــة حـب ...💚(كرونيك باللهجة التونسية )

💚✴الحلقة الرابعة ✴💚

💞💞✴👑✴💞💞

"يحب يعرف انا شكون ، وشاد صحيح غدوة نوريه وجهي والا باش يبلوكيني و يعمل روحو ماعرفنيش من اصلو ، حرت شنوة نعمل ، زعمة نقلو انا ، خايفة كي يراني مانعجبوش، و يندم ضيع وقتو هذا الكل يحكي معايا "

"كيفاش تعمل هكا ، مانيش مصدقة ، لقيتو باعثلي مساج " يطلع منك يا نهاد ، كلامك في الفايسبوك عكس الدنيا ، ايا ايجا ع الكونت الاخر "

عكشت ، صوابعي تشلو مانجمتش نكتب حرف ، كلمت نهاد شنوة عملت ، قاتلي ماعملت شي ، قتلو انا سلكتهالك ، هو توا اكيد يكون تعلق بمولات الكونت ،  وتوا مشاعرو الكل باش تمشي لنهاد على أساس هي ايلي تحكي معاه  ،ياربي كان يصير هذا نموت انا "

"ليوم كلمني ، ان شاء ما نكونش فضحت روحي ، حكينا شوية ع الكور اكاهاو ، ياحصرة ع الكونت كنا نحكاو في كل شي ما نعياوش ، جات نهاد هزتو ومشات وغمزتني ، بعد جاتني قتلي ، مانجبدش حكاية الكونت ، و يامن تغشش كي عرف هي و حلف ماعادش يكلمها ، وكان يعرف ايلي انا يقطعني جملة و مانحلمش نحكي معاه مرة اخرى"

"يامن تبدل ...معادش يكلمني...يظهرلي عرف حقيقة الكونت ...أنا ماتمنيتش هذا الكل ...والله حبيت نقربلو ونحكي معاه اكثر ...حبيتو يحبني كيما انا نحبو "

"جات عطلة الصيف بفف ، اش باش يصبرني تلاثة شهور "
"توحشت ضحكتو ومشيتو وبدنو السبورتيف ، عينيه ريحتو ، توحشتو وهو يلعب بوكس ، ماكللهم الڨلب متاعهم "

"اخ يا يامن ...مااخيبو البعد ...كلمتني نهاد ليوم... تسأل ...حالي مترهوج ...بعيد عليك لا حس لا خبر ، نخاف نبعثلك انفيتاسيون و ماتقبلنيش ، هذا الكونت الاوفسيال وباش تعرفني شكون ...وكي العادة كلمتين وكلمة نحكاو "

"عملت تبحيرة عالمية في ها الجمعتين ،  كل مانرى واحد بدنو كيف بدنك نتفكرك ، فيهم واحد جاء حب يحكي معايا ...مسكين ...بعد السيف نعلق منجل...انا عينيا ماترى كان يامن ...كان انت ..نحبك ونموت عليك...انت وليت كيف الهواء والماء ماانجمش نعيش بلا بيك "

"قررت نبعثلك انفيتاسيون ...اكاهاو ...والله معادش فيا توحشتك"

"باش نموت ...ياربي هزني ورتحني من ها للعمر الاحرف...ياريتني غرقت والا ضربتني كرهبة "

"قلبي يوجع ...ياامي قلبي يوجع...ليوم قتلي شبيك موش كي العادة ...قتلك لا تاعبة ...بنتك موجوعة..تغدرت من اقرب الناس ليا ...يا امي صاحبتي انتيمتي و الراجل ايلي نحبو ...اول راجل نعشقو ونحل عينيا في الحب ....طلعو في علاقة مع بعضهم ...شفت تصاورهم...يقولولهم مااحلاكم...يا نهاد علاش عملت هكا تعرفني نحبو قتلتني بالحياة "

"النفس نحس فيه تقطع...قلبي يتعصر والله يقطر دم ...قلبي يوجع ...باتم معنى كلمة وجيعة...تحرقت...مانيش منجمة نتخيل "