🍀💙🍀💙🍀
بعد.الفيلم جاء وقت العشاء ، لسعد مازال كي روح من الخدمة ، اكاهاو عاد قعد شوية قدام التلفزة لين مرتو وبناتو حضرو العشاء و قام للطاولة ، حطو ياكلو
ميسون" بابا....في بالك ليوم مرتك العزيزة والغالية مشات تقضي روحت تجري... شحطتها الاسوام "
آمنة " سكر فمك وكول "
لسعد" غالية !؟ "
"الحق ما دخلتش اما صارت حاجة خوفتني مرا فكولها صاكها ...مسكينة وليت روحت نجري خفت "
مريم " ملا عباد ...تي قول حيوانات كان السرقة...كثرت بارشا ها الحكايات "
نوقز الباب ، شكون زعمة ماهوش وقت ضيف...وقت عشاء و زيد مافمة حد مستنيناه
لسعد" شكون...تستنو في حد "
آمنة قلبها طاح يافضيحة اذا جاء ابراهيم يعملها متأكدة، قام البو ناحية الباب و قلبو خايف لا تكون مصيبة جديدة تستنى فيه، قعدت تطل براسها علي باش يدخل ، دوب ماشافتهم نڨزت من كرسيها "مانصدقش سهااام " عنقتها بفرحة "كيفاش عرفت الدار "
ميسون مبهمة وحايرة " مريم شكون سهام امك معرضتلها بالاحضان "
مريم " باز قريبتها والا صاحبتها والا جارتها القديمة "
سمعو امهم تنادي " مريييومة ...ميسوووونتي "
ميسون " ميسونتي...ماهيش مستانسة تتربج بيا "
مريم " امشي واسكت ، خرجو من بيت الفطور لقاو رواحهم وجه لوجه مع سهام و معاها راجل شايب باز راجلها و طفل في عمرهم اكاكا
"هاذم بناتي مريم الكبيرة...و ميسون الصغيرة"
سهام " مريوووومة...والله كيف ما تصاور ...تهبل حليلتها...ماشاء الله الله يبارك "
سلمت عليها مريم هي وراجلها ومدت يدها للطفل و رجعت جنب بوها
آمنة " هاذي سهام صاحبتي...عرضتني توا تلاثة شهور لتالي ...قريب عشرة سنين ماريتهاش...وتوا هانا تلاقينا "
لسعد " أيا تفضلو عاد للصالة "
بعد ما كملت فرقت القهاوي وحطت الطبق قعدت بجنب اختها قراب لبوهم
سهام " ماشاء الله على بنتي ...زين وعقل ورزانة "
تبسم ولدها وبوها لكلامها وهوما يذوقو في القهوة
لسعد " مريومة وميسون هوما عينيا ايلي نرى بيهم في الدنيا "
سهام " أما يجي نهار و يمشاو لدار رجالهم "
خزرت آمنة لراجلها مستغربة من كلام صاحبتها " بون ...ولدي زاهر نوارة عيني هو زادا روح من المانيا و شيقعد شهرين اخرين و من بعد يرجع ، بالنسبة ليا انا ماذبيا نعرسلو ونرتاح ...هو صعيب حد يراضيه وعييت وراه باش يهني على روحو...وقت عجبتو طفلة زغردت و فرحت ماتتصوروش قداش خاصة ايلي الطفلة بنت صاحبتي ...وقت شاف تصويرة مريومة قال هاذي هي"
أنت تقرأ
✴ رهــينــة حـب ...💚(كرونيك باللهجة التونسية )
Action★الاسم "رهينة حب " ★ النوع " رومنسي ، اكشن ،غموض ،تشويق, اجتماعي ،عائلي ،بحث ..." ★الكاتبة "ň🅾d🅰 ★عدد الفصول " 33" سنة الانتاج "2018_2019" ★القصة " قضية اختفاء لبنية في ظروف غامضة ...تكشف بارشا مستور وبارشا حكايات مخبية 🔱 ...حب ....كره...غيرة...
