✴ رهــينــة حـب ...💚(كرونيك باللهجة التونسية )

🌺✴الحلقة الثانية والعشرون ✴🌺

                    💠✴✴💠

غمض عينو و دخل في عالم ظلام ، لا يسمع فيه لا يرى، تلمت العباد بين ايلي يطلب في اللطف وبين ايلي يكلم في ااحماية وبين ايلي يطمن وبين ايلي يحب يعرف شنوة صار ، حست بروحها باش تموت و ضياق عليها الهواء ، قعدت محملة راسو عندها ودمو الكل  على دبشها، حست بدهر تعدى لين وصلت الحماية ، خذاوه من عندها وركبوه بعد ماعملو الاسعافات الاولية ، وجوهم كانت ماطمنش كانو يخزرو لبعضهم فاقدين منو الامل ،  عيات وهي تسأل فيهم شصارلو ، عايش ، شنوة احوالو ، حاولو يهدوها و يرجعوها لطبيعتها لانو كانت في هستيريا كبيرة ، شدو الطريق فيسع لاقرب سبيطار ، وقت وصل تجندو بارشا بين طبة وجراحة وفراملة ، طول دخلوه للعملية ، عندو نزيف كبير لازمو ياقف  مهما كان قعدت كيف المهبول في الكلوار تدور....موش فاهمة اش تعمل ...لازم تكلم ميسون وتقلها، رعشت يدها وماعرفتش وين تدخل بالضبط  ، لقات ميسون هي اي تطلب هزت طول " ميسون...ميسون يامن ضربتو كرهبة "

"شنوة فاش تحكي مريم"

"قتلك ضربتو كرهبة وماهوش لاباس جملة ،اجريلي يا اختي ...يامن باش يموت "

"انت وين تو "

"في السبيطار ...جابتو الحماية ...بكلو دم ...ضربتو وهربت كان ترى " شدها كريز متاع بكاء ومانجمتش تكمل تحكي كلمة .

ميسون ماخلات حد ما قتلوش ، امها وبوها وحمزةوجابتهم وجات للسبيطار سألت نعتوها وين تنجم تلقى مريم ، لقاتها لوطة قاعدة ع القاعة و متكية براسها ع الحيط ، تالمون بكات لين هدات وحدها ، حتى كي جاو ماشلقتش بيهم الا ما أمها كلمتها " مريم...يعيش بنتي قوم اقعد ع الكرسي"

حمزة طلب عامر وعلمو بالاكسيدون لقاه في بالو خاطر جاهم بلاغ ايلي فمة حادث صار ، قالو في الطريق وقريب يوصل بالضبط درجين وكان بيناتهم ، ميسون بكات دم قلبها عليه ، كان غالي عليها ع الاخير ومالقات كان حمزة يهديها ويواسيها رغم انو هو شاد دمعتو بالسيف .

خرجتلهم فرملية " انتوما اهل سي يامن "

قالولها اي ، رغم انو حد ماكان من عايلتو ، ماحبوش يكلمو امو  لانو مريضة وخبر كي هكا ماتتحملوش

"مستحقين دم أو بوزيتيف "

خزرو لبعضهم ولا واحد فيهم دمو كيفو ، مشاتلها آمنة " انا دمي إو نيڨاطيڤ وانجم نعطي لاي دم  وماعندي حتى مرض"

"تفضل معانا مدام "

مريم وميسون موش مصدقين ايلي سمعوه ، امهم ايلي تكره يامن باش تتبرعلو بالدم !؟ غريبة ...اما ع الاقل عملت حاجة خلات بناتها فرحانين بيها .

                       🌺💙💙🌺

مدلها كاس ماء وقعد بحذاها ،شعرها مبلول بالعرق وجها اصفر ليمونة ، شفايفها شاحو ، رعشت وهي تشرب في الماء وتكب شطر الكاس فيسع ما خذاه من عندها و مدلها بابياي تمسح خزرتلو