✴🌺🌺🌺✴
حلت الباب لقات مريم قاعدة على فرشها ونحات كبوطها ، خزرتلها خزرة موش هي ، حست بيها ميسون اما طفت الضو
"شنوة حكيتو ....انت ويامن "
"شي ....نسأل على حالو "
"ا بون...من وقتاش انت و دياه اصحاب هكا "
"مريومة عزيزتي....عادي...اش فيها...وزيد انت كيفاش عرفت كنت نحكي معاه"
"شفتك من الشباك "
"اكيد موش بالصدفة "
"ميسون....رد بالك تقلي حكيت ليامن على كل شي"
دخلت بعضها وعملت روحها تشد في شعرها "نحكي معاك راو "
"ايه حكيتلو"
وقفت والغش باين عليها " نرمال انت...كيفاش تعمل حاجة كي هكا "
"كان لازم نحكاو ، لازم يعرف كل شي ...الكبيرة والصغيرة ...والا ماكانش يوصلك ويفكك من يدين الناس هاكم "
" انت باما حق تحكي حاجة موش من خصوصيتك"
"يابنتي قتلك....لازم نحكيلو ...لازم يعرف "
زمت شفايفها و هي تڨحرلها و جات خارجة " وين ماشية "
"ندوش ميسالش "
"تحب نجي نحكلك ظهرك "
سكرت لباب عنطزة خلات ميسون تعقد حواجبها ...يظهرلي توا باش تتبدل بارشا حكايات ....و مريم ولات ترد في الفعل ....معادش عويقلة...وزيد هذا....غايرة على يامن ...اكيد مازالت تحبو لتوا .
☀🍁🍁💚💚☀
هبطت وهي تلبس في البوناي متاعها ، الطقس معادش خريف و الهواء ولى بارد ، امها استغربت وهي ترى فيها مبدلة "مريومة ...خارجين "
"خارجة وحدي"
"وه...وحدك...لا مستحيل "
"أمي ...بربي يزي من الخوف الزايد...نحب نخرج نشم هواء"
لسعد ايلي سمع الكلام الكل ، قرب منهم " خليني انا وامك نخرجو معاك "
"سامحني بابا ماذبيا نمشي وحدي ...نحب هكا"
بلعت ريقها بصعوبة ،مالازمهاش تخرج وحدها...وخاصة في ها الظروف " بنتي انت مازلت تاعبة "
"مانيش تاعبة...وبربي لاعاد تعاملوني هكا...سي بون راني بريت و يظهرلي ماسمعتوش الطبيب شنوة قالكم " جات وراها ميسون
لسعد " ع الاقل هز ميسون "
"لا نحب وحد...مانبطاش ...ايا نخليكم "
تعدت خارجة وهوما حابسين وموش عارفين كيفاش يمنعوها ، قبل ماتخرج تلفتتلهم " ومن غير مايتبعني حد "
أنت تقرأ
✴ رهــينــة حـب ...💚(كرونيك باللهجة التونسية )
Action★الاسم "رهينة حب " ★ النوع " رومنسي ، اكشن ،غموض ،تشويق, اجتماعي ،عائلي ،بحث ..." ★الكاتبة "ň🅾d🅰 ★عدد الفصول " 33" سنة الانتاج "2018_2019" ★القصة " قضية اختفاء لبنية في ظروف غامضة ...تكشف بارشا مستور وبارشا حكايات مخبية 🔱 ...حب ....كره...غيرة...
