အပိုင္း-၅၂(အပိုင်း-၅၂)

4.8K 397 58

by SeleniumStar26

by SeleniumStar26

Unicode

မနက်စာအတူစားကြမယ်ဆိုတဲ့ စကားကြောင့် ဟော်တယ်ရဲ့ အစားအသောက်ခန်းထဲလူစုံရောက်နေကြလေရဲ့။

ဒါပေမဲ့ အဲ့လူစုံဆိုတဲ့အထဲ ချန်ယောလ်နဲ့ ဘတ်ဟျွန်း မပါလာသေးဘူး။

"ဂျုံအင် သွားနှိုးလိုက်"

ဂျုံအင်က ရီရှင်းကို နှုတ်ခမ်းမဲ့ပြလိုက်ပြီး နစ်ခ်ကို ဆွဲကာ ဘတ်ဟျွန်းတို့အခန်းရှိရာထွက်သွားလေတယ်။

ခွေးမုန်းပါတယ်ဆိုတဲ့ ဂျုံအင်က ဒီရက်အတွင်းကို နစ်ခ်နဲ့ အရမ်းတွေမှအဆင်ပြေလို့။

"ဟေ့"
". . . "
"ဟေ့ ခဏ"

တဟေ့ဟေ့ နဲ့အသံတွေကြောင့် ဂျုံအင်နောက်လှည့်ကြည့်မိတော့ သူရှိရာပြေးလာတဲ့ ဓာတ်မီးကိုတွေ့လိုက်ရတယ်။

မမှားဘူး သူပဲ ၊ ဓာတ်မီး။

"အော် ခများကိုး"
"ဖုန်းနံပါတ်ပေး"

လက်ဖြန့်ကာတောင်းလာတာကို ဂျုံအင် မျက်မှောင်တွန့်ချိုးပြီးကြည့်ပစ်လိုက်တယ်။

"ဘာလုပ်ဖို့လဲ"
"ဖုန်းနံပါတ်ပါဆိုမှ မင်းကိုဖုန်းဆက်ဖို့ပေါ့"
"ဇယားလာမရှုပ်နဲ့"
"ကိုယ်မင်းကို ကြိုက်တယ်"

ပွင့်ပွင့်လင်းလင်းချစ်ရေးဆိုမှုကို မထူးဆန်းသည့်ဟန် ဂျုံအင်က ပခုံးတွန့်ပြလေရဲ့။

"ကျွန်တော်ကတော့မကြိုက်ဘူး ပြီးတော့ကျွန်တော်က အဖြောင့် ရပီနော်?"

တင်တင်စီးစီးပြောပြီး ကျောအပေးမှာပဲ နားထဲကို တိုးဝင်လာတဲ့အသံ။

🔊အင်း တွဲမှာ. . .
ဒါဆို မင်းကကိုယ့်ကိုချစ်လို့လား
အင်း ချစ်တယ်

ဂျုံအင့် ကျောပြင်တောင့်တင်းသွားရတယ်။
အဲ့ဒါ သူ့အသံပဲ!

"ဘယ်လိုလုပ်ပီး?!"

ဂျုံအင် အံ့သြနေရလောက် ထိုသူကတော့ သူ့လက်ထဲက ဖုန်းကိုမြောက်ပြထားပြီးတည်တည်ငြိမ်ငြိမ်နဲ့။

🔊 ကိုကြိီးကိုချစ်ပါတယ်လို့ပြော. . .
ကိုကြီးကို ချစ်ပါတယ်
ဘယ်သူက ချစ်တာလဲပါထည့်ပြော . . .
ဂျုံအင်က ကိိုကြီးကိုချစ်ပါတယ်