قصص حكايتنا

الفصل السادس

عذرا على التاخير
#مطلقة_ولكن

الفصل السادس

انا.. خلاص يا عادل مركبنا غرق من لما قررت انك ادس عليا لو جيتني وحكيت ليا انك ضعفت قدام زن امك وخواتك كنت قدرت ومش بعيد كنت وافقت تشاركني فيك وليه لكن انت غدرت بيا وخنتني يا عادل خنت العهد اللي بينا ان مافيش حد يدير حاجة بدون مايقول لثاني
انت ضعفت يا عادل ونا معاش يناسبني الضعيف نا طول عمري قوية
عادل .. بســ
انا قصيت عليه .. معاش في بس يا عادل واذا قصدك البيبي اللي بينا ثق وتأكد اني مستحيل نحرمك منه انت باته ومسؤول عليه زيي زيك
خلاص يا عادل مازالن خمس شهور ونبي الانفصال يكون بينا رسمي ياعادل
عادل .. نخليك ياشوشو فكري في هالخمسة شهور هذين
انا.. عشت معاي 13 سنة وعمرك عرفت عليا راي غيرته بعد مانا متأكدة منه
عادل.. عارف بس تو في عيل
انا.. حتى لو عشرة يا عادل عدي وشوف روحك وعدي لبنت الناس اللي انحسبت عليها زيجة دير عيلة لان صدقني حتى نا لو يجيني راجل كويس حنوافق عليه يعني مش حنعيش عمري على اطلالك وذكرياتك يا عادل
عادل .. صدقيني
انا.. خلاص يا عادل الكلام بينا انتهى

وطلعت سيبت عادل ونا مرتاحة على الاخر وخليت محمد خش ليه

جكارة بكل البشر لساوي قلبي من حجر
ياقلبي اللي خانك يوم الليلة جاني يعتذر
الليلة جاني يعتذر
ما اريدك آني بحياتي راح ابدل ذكرياتي
ببعدك شايف مماتي لكن بقربك قهر
لكن بقربك قهر
من خيالي انسحب كافي اللي شفته تعب
كنت ساكن ويا قلبي رحت وخنت هالقلب
رحت وخنت هالقلب
اوصيك باخر وصية يل كنت قاسي عليا
روح تهنى ويا غيري وتجنب منه الاسية
وتجنب منه الاسية
جكارة بكل البشر

وعدى وقت وجتني سارة رفيقتي قضيت معاها وقت وحكيت ليها على رايي وقالت ليا ان حددو موعد فرحها وفرحت ليها واجد لان ليها سنين مخطوبة
ولهيت معاها والحق الوقت ضاع امي مهتمة بيا ومحمد وبشرى مايسيبوش فيا حتى من خواتي بعد هداك اليوم ماعد وحدة فيهن فتحت فمها اما صبايا خوتي تقول باتي محلف خوتي لان واضح عليهن السكات اللي اكثر من اللازم اللي تقول خايفات يحكن يغلطن
والحق ارتحت رغم استغرابي لاني ديمة كنت نظن ان خوتي تحت حكم صبياهم  مع ان محمد قالي انجي نقعد عنده لكن باتي مباش وقالي هذا حوش هلك وهو الاولى بيا ومشن الايام وعدى فرح سارة يهبل وبطني بدت تكبر وقالت ليا اني حامل في توأم يعني عطاء ربي ليا كبير بكل واتصلت بعادل وقلتها له وحسيت بفرحته بالذات اني ما اهملتاش في اي شئ يخص حملي نتصل بيه ونقوله وخشيت الشهر السادس وحركتي قلت بثقل بطني لكن ليا يومين تاعبة بكل

امي .. يابنتي وضعك مش تمام بكل
انا.. مش عارفة يا يمي نحس في روحي تاعبة وناخذ في نفسي بالغصب
امي .. حتى وجهك اصفر اتصلي بمحمد يجي يرفعك
انا.. لا يا امي نستنى في عادل مواعدته اليوم يجي معاي للدكتورة بيش يشوف عيالي حرام حتى هو باتهم
امي.. طالما انتي هكي ردي ليه بدل ما عيالك يتبهدلو بينكم حتى سمعت ان مرته عند هلها لها وقت
انا.. مش حيصير لهم شئ عيالي وكلمة يا امي بالله عليك معاش بنعاودها انا وعادل خلاص