قصص حكايتنا

الفصل التاسع

#مطلقة_ولكن

الفصل التاسع

وجاء الوقت وجهزنا روحنا للسفر وجت زارتني سمية وحسيتها منحرجة مني واجد

سمية .. والله بجد ما تمنيت اللي صار لكن مش بايدي شئ وصبيتي صغيرة وتعلقت بعادل بسببي وحقك عليا
انا باستغراب .. كيف بسببك
سمية .. عشان ديمة نحكي على رحلة كفاحك انتي وعادل وكيف هو يدعم فيك وكيف هو مقدر تعبك ويعاون فيك في اشغال الحوش مع ان والله ما كان قصدي حاجة مش تمام اللي كان قصدي ان ياريت رجالتنا يقدرو مجهود الولية زي مايقدر فيه عادل ومنغير مانقصد والله شكلها تعلقت بيه لان بمجرد ما جت امه تخطب البنت ماسئلتش حتى مصيرك شنو بيكون وماهمها شئ الا انها بتتزوج الراجل اللي ديمة نحكي عليه
انا.. عادي يا سامو والله عارفة نيتك شنو وانتي تحكي وفي الاخير هذا نصيب وان شاءالله ربي يهنيهم مع بعض
سمية باستغراب .. تتدعي ليهم
انا.. صعب ندعي عليهم هيا ماليهاش ذنب لانها لولا عادل ماجتش ضرة ليا وعادل كان رفيقي لـ13 سنة فصعب اني نمحى هالسنين كلهن حتى لو تفارقنا والله العظيم يهمني انه يكون مرتاح
سمية .. تصدقي رغم ان عادل رد مودة لكن مش عادل اللي نعرفه انسان ثاني بكل جدي واجد وقاسي شوي على مودة وهيا صابرة لانها قالت هذا اختياري
انا.. ربي يعينها عليه ومع الوقت عادل حيرد زي ما كان غير يبي وقت بس
سمية .. ان شاءالله وحقك عليا للمرة الثانية
انا.. والله ماني لايمة عليك خلاص معاش اديري شئ في بالك
سمية .. حكالي سامي وقالي انك بتبدي في مشروعك
انا.. بفضل سامي اللي صباني من وجعي ووعاني على روحي الحمدلله
سمية .. سامي ديمة ليك عنده معزة خاصة وكان اكثر واحد مضايق لوضعك هو وانس
انا.. خطرها على انس شنو اخباره واخبار خطيبته
سمية بضحكة .. كانو متعاركين وانتي السبب تصدقي
انا بفجعة .. نا السبب وعليش تقولي فيه وانتي تضحكي وليش نا السبب ونا حتى عرف مانعرفها
سمية .. عارفة انس انتي غالية عليه واجد والظروف الاخيرة اللي صارت ليك خلاته يهملها وطبعا هيا غارت وتناقشت معاه لكن هو طبعا الا انتي ماحد يطق فيك
انا.. يا خيتي نجيه تصدقي اللي صارلي خلاني معاش دورته بكل
سمية .. وهو عاذرك وديمة يتبع في اخبارك من سامي
انا.. فعلا والله ليا واجد معاش كلمته تو اندوره قبل ما نسافر ونحكي معاه ونعزمه هو وخطيبته منها نتعرف عليها ومنها لما تشوفني تبطل غيرة
سمية بضحكة .. بشكلك هضا بالذات بقصة الشعر هذي كيف طالعة عليك ماضني تبطل غيرة كما تزيد اخرى
انا بضحكة .. الله يجبر بخاطرك يارب
قوليلي شنو اسمها هيا
سمية .. سوسن
انا .. تمام تو نكلم انس ونعزمهم الاثنين

وفعلا روحت سمية بعد ماحسيتها ارتاحت اني مش زعلانة منها بكل وثاني يوم اتصلت بي انس اللي فرح باتصالي واجد وعزمتهم على الغذاء هو وخطيبته لان بعد بكرة بنسافرو

انس اخ سامي الصغير من عمري ونعزه واجد وكان صديقي المقرب لان تخصص قرايتنا زي بعض وكنا في قسم واحد لكن لما تزوجت عادل  قلت اتصالاتي بيه لكن قعدت على اتصال معاه بعلم عادل طبعا وطلعنا وتعرفت على خطيبته وحسيتها تغار عليه واجد وطمنتها ان انس بالنسبة ليا اخ عزيز  وكان جوها حلو وغيرت جوي معاهم وروحت لقيت محمد يستنى فيا وخذاني نا وشنطة دبشي لان بنطلعو من عنده ثاني يوم الظهر طيارتنا وسلمت على باتي وامي ومشيت معاه وقضيت الوقت مع عظومي لان ماهوش مسافر معانا بشرى بتحطه عند هلها
وجاء ثاني يوم وطلعنا للمطار ولحق علينا سامي جايبه انس وبعد وقت وسهراية حلوة مع انس جاء وقت رحلتنا اللي كانت طويلة عشان مافيش رحلة مباشرة من هنا
وركبنا في الطيارة جنبي سامي ومحمد مع بشرى