قصص حكايتنا

الخاتمة

#قلبي_معي

الخاتمة 

انا.. زحمة الجنينة يا احمد ليش جبتنا اليوم ليها
احمد.. في حاجة تو تعرفيها
انا.. ان شاءالله خير لكن كان جبنا حنين راه قعدت تلعب مع آسر
احمد.. تعمدت قلت جيبها مانبيهمش ديمة مع بعض مانبيهمش يكبرو ويلقو روحاهم مع بعض ديمة
انا باستغراب .. شنو فيها
احمد.. عشان كان كبرو وهما مش متعلقين ببعض واجد يمكن نصيب يجمعهم لكن لو كبرو وهما متعلقين ببعض واجد مرات تتوالد بينهم مشاعر اخوية لما يكبرو وهما مع بعض ديمة وانا نتمنى انهم يكبرو ويكونو لبعض 
انا .. مع ان مازال بدري على كلام زي هذا وهما عمرهم ثلاث سنين لكن نا عندي ثقة في كلامك ونظرتك لقدام بس مش نباعدوهم بكل نين يقعدو زي الاغراب
احمد.. لا مش هك القصد اكيد وبعدين لما تشرف العروس (وحط ايده على بطني ) على خير تو يلهى في اخته ويخف شوي على بنت عمه
انا.. ان شاءالله

وشوي ونسمع في واحد ينادي على ولاء وانتبهت لبنوتة صغيرة تجري

انا بضحكة .. البنوتة اللي تهبل هذي اسمها زي اسمي
احمد.. ولاء ارفعي راسك فوق

رفعت راسي لاني كنت مطبسته على البنوتة ونبوس فيها وايدي في شنطتي بنطلع شوكلا ليها طلعت طرف الشوكلا ورفعت راسي

انا بصدمة وهمس .. علاء
علاء.. اهلين ولاء كيف حالك
انا مازالت مستغربة وبالذات انه سلم عليا بس طبعا بالفم .. بخير الحمدلله
احمد صبا .. ناخذ آسر وولاء الصغيرة ندرجح بيهم هنا احذاك
انا .. احمد
احمد وكأنه فهمني .. جاني علاء اليوم في المدرسة ولاء وطلب يحكي معاك عشان يوفي بوعده ليك حذاك نا مش بعيد عليك
انا هزيت راسي

خذا احمد العيال قريب مني الدراجيح مش بعاد وراء كرسينا

علاء .. لهدرجة ماتبيش تقعدي معاي
انا .. لا والله بس احترما لراجلي
علاء.. شكلك مرتاحة وعندك ولد ماشاءالله وبيبي ثاني جاي في الطريق ( وهو يشير على بطني)
انا.. الحمدلله لان قلبي معاي وفي ايدي قدرت بفضل ربي نتحكم فيه ونعيش حياتي و حتى انت بنوتك حلوة
علاء.. ابصر لمن طالعة ممكن لامها
انا.. ممكن
علاء.. انا رجعتلي الذاكرة ولاء من سنة وكنت خايف انواجهك لما اكتشفت شنو درت فيك ولوين وصلنا لكن لما سئلت عليك وعرفت قديش انتي سعيدة ومرتاحة ارتحت شوي وانتمنى تسامحيني
انا..  عرفت السبب اللي خلاك دونن عالناس كلها تنساني نا من حياتك
علاء.. اه يوم الحادث نا كنت في المختبر وبالصدفة لقيت الدكتورة ولما شافت النتائج قالت ان عندي مشاكل انجاب ونعتبر شبه عقيم وطلعت مانشوف في شئ ومافي شئ بين عيوني الا كلامك على الامومة وان الانسان يحس بكينونته لما يكون اب او ام وشكلي من كثر مافكرت كيف نواجهك بعد الحادث اختار عقلي  الطريقة الاسهل ليه على حسب كلام الدكتور النفسي لما حكيت ليه السبب عقلي كان مش مستوعب كيف بيواجهك وكيف بتكون ردت فعلك وان حبك لي بيخليك تصبري على شئ اكبر منك وربي ليه حكمة في كل شئ
انا باستغراب .. بس انت عندك بنوتة يعني كيف شبه عقيم
علاء.. متبنيها لان حتى جوري طلع عندها مشاكل زيي يعني ربي ماجمعنا الا لسبب
انا.. اه هذا ليش قلت ممكن تشبه لامها
علاء.. اه امها وباتها دارو حادث وهيا عمرها ثلاثة شهور بس ومباش حد من اقاربها يكفلها لانهم ماعندهمش اقارب قراب درجة اولى وانا كنت حاضر الحادث واسعفتهم 
انا.. شكرا علاء لانك مانسيتش وعدك لي ونا مسامحاتك من قلبي وربي يحفظلك ولاء
علاء.. امين يارب تعرفي مكانش اسمها ولاء بس نا غيرته وجوري ما اعترضتش لان مازال ليك مكان في قلبي
انا.. صح كل واحد فينا طريقه خذا مجرى ثاني لكن حتى انت مكانك محفوظ اكيد في قلبي ربي يهنيك ويسعدك يارب وزي مايقولو مافيش حد يموت في جرة حد 
انا عشت حياتي وانت عشت حياتك علاء.. وحتى انتي نتمنى من قلبي ان ربي يزيدك سعادة عشان كل ماتكوني انتي سعيدة كل مانا نكون مرتاح
انا.. ارتاح وطمن بالك احمد راجل مافيش منه
علاء .. هيا سلام

مانتهى العالم لما سحبت ايدك من ايدي
مانتهى العالم لما عيونك صارت بعيدة
مابدي قلب بيخون ولابدي عشق مجنون
احيانا البعد بيكون نهاية السعيدة
نحكي الصدق منو عشق يلي معاك عشتو
بعدك انا شفت الفرق والفرح دقتو
احيانا البعد بيكون نهاية سعيدة
 
وشفته مشى شور احمد سلم عليه وخذا بنوته وعدى ونا مش عارفة نوصف شعوري وجاني احمد

احمد.. حبيبتي انتي كويسة
انا.. الحمدلله الحمدلله ان صار كل شئ عشان تكون انت نصيبي
احمد.. اكيد الف الحمدلله
انا.. نسئل سؤال
احمد.. شنو كانت ردت فعلي لما طلب انه يحكي معاك
انا هزيت راسي صح
احمد.. انتي لما شفتي هدى يوم ردت رهف شنو كان شعورك
انا.. عادي وخذيتها من باب ان خسارة شخص ربح لشخص آخر هيا خسراتك وفي المقابل نا ربحتك بس حسيت بندمها  بالذات لما شافت بطني
احمد.. نفس الشئ لما جاني علاء حسبتها من باب خسارة شخص ربح لشخص آخر 
انا.. عارف اني نحبك وواجد اخرى
احمد بفرحة .. وعارفة قديش تمنيت نسمعها منك
انا وشديت ايده .. نحبك نحبك نحبك يا احلى حاجة صارتلي
احمد.. هيا ناخذو عشاء ونروحو للحوش آسر بيرقد على روحه
انا.. هيا يا دنيتي الحلوة

في لحظة توقعت كل شئ انهار وان كل شئ انتهى لكن ربي ليه حكمة في كل شئ مرات واجد الفرصة الثانية ماتكونش كويسة فاختاري كويس بيش تعيشي صح مش لانك مطلقة وبتهربي من الكلمة هذي اطيحي طيحة احرف من الاولى

#حياة #تمت

ليس كل سقوط نهاية فسقوط المطر اجمل بداية

مراجعة وتعديل اخطاء املائية وحواراية زي العادة لصديقتي الغالية #الصابرة