قصص حكايتنا

الفصل الثامن

لعيون متابعتي عالوتباد ومعليش ماشفتش طلبكن بفصل ثاني الا تو وهذا هدية ليكن

#قلبي_معي

الفصل الثامن

انا.. النسيان ديمة صعب في البداية صدقيني مافيش حاجة ساهلة غير علاء كان ساهل المعشر عارفة نوع الناس هذا اللي كان مش ديمة احذاك بسرعة ماتنسيه علاء هك هادي حتى لما يحمق تلقيه هادي نين تستغربي كيف حامق وهادي وروتيني يعني نظام متعود عليه صعب يغيره حتى كلامه قليل وبرغم الحب اللي بينا كان ديمة تعبيره قليل وكانت حياتنا هادية وحلوة مافيهاش احداث مشوقة او حتى مغامرات بيش يبقى ذكرياتهن في دماغي بيش يصعب نسيانهن يعني يحب اشياء معينة ويكره اشياء معينة ومستحيل يجرب غيرهن حتى في الوكال وبعدين لما صارله الحادث ونساني صارلي زي اللي يحب من طرف واحد قضيت الفترة اللي قعدتها معاه ونا انذكر فيه بكل شئ صار بينا لكن شئ وتمت حياتي واقفة على انه يذكرني لعند ما اكتشفت ان في اعجاب بينه وبين موظفة معاه هنا صبيت لروحي وعرفت ان النصيب بينا انتهى وان حياتي ربي بيحاسبني عليها ونا موقفتها على ان علاء يذكرني
رهف .. يا روحي سامحيني نقضت عليك مواجع
انا .. ولايهمك ممكن لو من كم شهر بس كنت حنترفز منك ونقعد نبكي ونطلع ونسيب المدرسة لكن تو لا عادي (والتفتت شور الابلات ) واي وحدة فيكن تبي تسئل تتفضل ماتخلي في قلبها شئ على الاقل مني تسمعن الحقيقة زي ماهي بدون زيادة وحياتي معاه زي ماسمعتن حتى الدهوير من دولة لدولة مافيش منه الكلام هذا لان لو صبيتن شوي مع روحكن طالما عنده فلوس يسفرني من دولة لدولة ليش قعد اسنين بيش تزوجني

والابلات قعدن يبحتن فيا ومنصدمات ما توقعنش مني اني نتكلم هك بكل لان بطبعي هادية وفعلا قديش كلام زينة فادني لما قالت لي معاش تهربي واجهي وقديش وجعتني رهف

انا.. قصدك حالتك مافيش منها امل بكل
رهف .. في غير يبي صبر وجري
انا.. يبقى مش عشان اطلقتي ما تكمليش علاجك كملي وماتعلمي الخيرة ربي وين داسها لك الجئي لربي طول الوقت وتوجهي ليه بالدعاء لانه يغير الاقدار ومرات ربي داسلك الاحسن زي ما نا مطمنة ان ربي داسلي الاحسن لان ربي قال

انا عند ظن عبدي بي  فاحسنو الظن

رهف.. ونعم بالله ماتعرفيش قديش الكلام معاك ريحني
انا .. ادللي في اي وقت
رهف .. ممكن نكونو صاحبات
انا.. وليش لا نتشرف بيك

وعدن الايام وبدن امتحانات النهائية وحتى زينة كملت وناقشت مشروعها والحمدلله كملنا تجهيز حاجات زينة وبدينا الفرح وكمل الفرح والحمدلله مستور وزينة طلعت تهبل وعبدالله واضح عليه انه طاير من الفرح ربي يحفظهم وخطر عليا فرحي صح علاء مكانش مصدق اننا اخيرا تزوجنا لكن برضو ردة فعله مش زي عبدالله اللي واضح مش بس زينة تحبه حتى هو يحبها
لكن هالمرة ذكريات من غير بكا وعزمت رهف على فرح زينة ونحن اصلا كملنا مدرسة وبنستعدو للدور الثاني ومش عارفة بيحطوني معاهم او لا وبعدها بي ايام لقيت نائبة المدير باعتتلي رسالة وان اذا حابة نشرف على امتحانات الدور الثاني او لا وحد يكره زيادة الفلوس طبعا وافقت لكن خسارة عبدالله طبعا اجازة