قصص حكايتنا

الفصل التاسع

عذرا على التأخير وحنزل فصل اخر بعد شوي

#قلبي_معي

الفصل التاسع

احمد.. اكيد صدقتك لان الانسان مستحيل يكذب وهو حزين وفي عز  وجعه 
انا.. شكرا ليك
احمد.. العفو وخوذي وقتك واي حاجة تبي تعرفيها هذا رقمي ابعتي رسالة او اتصلي اللي يريحك
انا.. تمام متفقين ... اه سؤال هيا ترد على اي رقم والله لازم نبعث رسالة واذا بنبعث رسالة شنو بنقوللها
احمد بنبرة استهزاء .. لا اطمني حترد عادي بدون رسالة

وطلعت من احذاه بعد ماسجلت رقمه في فوني وركبت سيارتي بعد ما سلمت على رهف وطلعت كل وحدة لحوشها وقررت نتصل بيها

انا.. الو السلام عليكم
هدى .. وعليكم السلام
انا باحراج.. معليش انت ماتعرفينيش لكن في موضوع مهم تقدري انتي تساعديني فيه
هدى .. به على الاقل نعرف من انتي وكيف عرفتيني
انا.. ولاء عمر  وكيف عرفتك وعرفت رقمك خليها نين نشوفك وين تحبي نتلاقو اذا ماعندكش مانع
هدى .. ماشي يا ستي شنو رايك في كافيه *******
انا.. معليش مش كان نخلوها في كافي نسائي خير نا مانحبش نقعد في اماكن مختلطة الا اذا كانت للعائلات
هدى .. تمام يبقى كافي ******
انا.. تمام امتى لكن
هدى .. نا نبي ربع ساعة نكمل شغلي وربع ساعة نكون في الكافي يعني نص ساعة
انا.. تمام تو تلقيني غادي واول ماتوصلي بيش تعرفيني رني على رقمي
هدى .. تمام

ومشيت للكافي اللي اتفقنا عليه وقعدت نستنى فيها والحق مش دقيقة في مواعيدها زي ما بينت ليا لاني قعدت قريب ساعة نستنى فيها وبعدها جت واستغربت الحق كيف هي واحمد تزوجو لانها باين ماتركب عليه بكل بالذات مع طريقة لبسها لكن نا من عشان نحكم على غيري استغفرت ربي وبعد السلام

انا باحراج .. انا متقدم لخطبتي احمد طليقك
هدى ببرود.. وشنو تبي فيا
انا.. لاني سئلته على سبب طلاقكم قالي ولية طلعت من ذمتي مش من حقي نحكي عليها
هدى .. وانتي شنو يهمك بمعرفة السبب اثنين ماتفاهموش وانفصلو عادي
انا.. لاني حتى نا مطلقة وانتي عارفة خطوة الزواج مرة ثانية وبعدها يصير طلاق اخرى هذا حيمس سمعتي واجد
هدى .. اه به ممكن نعرف سبب طلاقك من باب الفضول بس
انا.. عادي طليقي دار حادث ونساني نا بس
هدى بصدمة .. انتي صاحبة القصة المنشورة على الفيس من فترة
انا .. اه برغم ان فيها حاجات واجد مش صح
هدى .. ما علينا اذا وافقتي على احمد ربي عوضك خير معناها
انا باستغراب .. وطالما هو عوض كويس من ربي شنو السبب اللي تفارقتم عليه
هدى.. نسئلك سؤال
انا.. تفضلي
هدى.. معاندية انتي
انا.. لا انسانة هادية ومسالمة لابعد حد
هدى .. خلاص معناها حتعيشي عيشة حلوة احمد انسان لولا عصبيته مش عادي وبما انك انسانة مش معاندية حتعيشي معاه كويس اخرى مشكلتي كانت مع احمد العناد كنت هك نحب نعانده مش نحب نعانده لا هذا طبعي معاندية بدرجة كبيرة نا ماينفعش معاي راجل زي احمد نا اللي يمشي معاي راجل دلدول
انا باستغراب .. دلدول وهو راجل اصلا
هدى.. الوحيد اللي يمشي مع طبعي نا مانحبش حد يسيرني ومش مقتنعة ان راجلك يتحكم فيك زي مايبي
انا قصيت عليها .. مش زي مايبي زي مايرضي ربي لانه في الاخير هو اللي بيتحاسب عليك يوم القيامة لانك من رعيته وهو مسؤل عليك
هدى .. مش قلت لك حتعيشي معاه كويس
انا.. معليش سؤال بدافع الفضول زمان خطبت له امه ولما كلماتك بيش تعرف سبب الانفصال رفضت احمد ممكن نعرف شنو قلتي ليها لان لو اللي قلتيه ليا تو مايخليهاش ترفض
هدى بضحكة .. زمان كان لي فترة مش كبيرة منفصلة عليه وشاعرة باهانة لانه هو اللي قالي خلاص انه معاش يقدر يكمل معاي يعني كرامتي وجعتني رغم اني عارفة اني السبب لكن تو نا متصالحة مع روحي وعارفة فعلا ان احمد راجل مايتعوضش بس للاسف مش ليا 
انا .. تحطي في اللوم عليك بس ماعطيتنيش سبب واحد للطلاق
هدى .. ماهن واجد مثلا احمد مايحبش الطلوع منغير شيرته ونا نطلع واجد بدون مانقوله
انا.. بس هذي ما يختلفش عليها اثنين ان الملائكة تلعنك اربعين يوم
هدى وماعدلتش علي قلته .. وهذا كان اكبر سبب ان القاضي يطلقنا فيه من اول جلسة والحق ينقال عطاني جميع حقوقي بدون اي شوشرة والمفروض ماجيتي سئلتيني
انا.. ليش
هدى .. لان الراجل اللي يقول ولية طلعت من ذمتي مش من حقي نحكي عليها المفروض يكبر في عينك لان مايقولهاش الا الراجل
انا .. ممكن لو كنت بنت اه كنت فرحت حتى بكلامه هذا لكن نا مطلقة وتجربة الزواج مرة ثانية مش ساهلة
هدى .. هذي صح بس سؤال انتي تحبي تسوقي واجد
انا.. لا اصلا السيارة درتها بعد طلاقي وكانت باصرار من خوي عشان نطلع ونغير جو
هدى صبت .. يبقى خلاص نا وصلت ليك السبب لان حتى السيارة كانت سبب كبير بينا ولو فعلا ماعندكش اي مانع آخر على احمد يبقى امك داعية ليك في ليلة قدر
انا.. معليش كم مدة زواجكم
هدى .. سنة وشوي
انا باحراج .. معليش وتحمليني ماصارش حمل
هدى وحسيت كأن في ندم في عيونها .. اه صار حمل بس صارلي اجهاض مع بداية الشهر الثالث وممكن هذا اللي زاد خلى احمد خلاص معاش طايقني 
انا وصبيت معاها .. شكرا هدى لصراحتك وربي يعوضك بلي تتمنيه 
هدى بضحكة .. بصراحة لما قلتي انه بيتزوجك في البداية كنت حنحكي عليه زي ما حكيت في الاول لكن لما عرفت انك مطلقة والحق ينقال احمد فرصة حلوة ما اتعوضش
انا.. شكرا مرة اخرى
هدى وسلمت عليا .. العفو