#حلقة٦
كلهم توا انتبهوا ليهم انفجعوا لانهم مبكري من الرعب ماركزوش فيهم
هناء وفرح جوهم يجرووو
هناء تضرب في وجهه زهور : زهووور زهووور نوضييي زهووور
فرح مشت جابت مية
هناء بخت مية على وجهه زهور يلي كان امجرح
محمد جابلها عطر من وحدة من الديار
محمد : هاااك خوودي
هناء تشمم في لعطر ل زهور
زهور بدت ترجع في وعيها شووية
كلهم بفرحة : الحمد لله
زهور وهي قاعدة بنص وعي : اني وين
هناء : توا ارتاحي بعدين توا نحكيلك كل شيي
محمد شاف لخالد وخااف لانه كان كله دم
تاامر بخووف : خااالد وجهك خيره هكيي
خالد تاعب ومش قادر يتكلم : مش قادر نتكلم
وكان يتنفس بصعوبة
هناء وبحكم انها دكتورة بعدتهم كلهم وقعدت تعالج في خالد
وعم الهدوء في المكان يلي كلهم رقدو فيه من التعب يلي صارلهم
...............بقلم وصال الحمحوم
لينااا تسمع في الصووت وخايفة حاسة لموت في كل لحظة
الصوت بدي يقرب ويقرب ويقرررررب
لينا خلاص بنموووت
تشوف في الديناصور يقرب منها اكتر واكتر
مش عارفة شن ادير كيف تتصرف غمضت عيونها وهي تبكي بحرقة
فجاءة وهي مستسلمة لقدرها ضربها الديناصور برجله الضخممممة والضربة رفعتها بعييييد
طاحت في مكان ابعد من انها تتخيله
كانت فاقدة وعيها بالكامل
........
هي جت كالعادة للكافي وتقرا في نفس الكتاب يلي تقرا فيه في كل مرة
هو يراقب فيها ومستغرب علاش ديما نفس الكتاب
هي مستمتعة بتسأولاته واستغرابه هي عارفة بطريقة هادي قاعدة تخلي فيه تايه ومش فاهم شي وخطتها بتنجح لو قعد الوضع زيي ماهو عليه
"علي " يسأل في نفسه هي علاش اتوه فيه هي لوييين تببي توصل
هو عارف وهي عارفة انهم يراقبوا في بعض بصمت
لكن لأمتى الصمت هدا لازم يكسروا هدا الحاجز !
هو : اني متأكد حتى هي جاية هني لنفس السبب يلي جاي لييه
وين بتهربي مني ورااك وراااك !
.............بقلم وصال الحمحوم
كانت الالة ادير في ضي الاحمر كا تنبيه وكان في صوت شديد الإزعاج طالع منها
ناض محمد مفجوع والكل ناض معاه
مشوو جري لغرفة التحكم
تامر بتوتر وملامح وجهه ماتتفسرش : الالة قاعدة في دواامة مش عارفة توقف على اما عصر
محمد بتوتر مش اقل منه : لو الساعة عندنااا بسسس
تامر : مش وقت الساعة توا كيف نديرروو
محمد بمجازفة وهو من داخل خايف من مجازفته : خلاص خلي نوقفوها وخليها تنزلنا على اي عصر لمهم نعيشو توا
أنت تقرأ
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
