سايمون Simon (رواية ليبية )

الحلقة ٦٠

#سايمون

#الحلقة_٦٠

غمضوا عيونهم بشدة  زادت سرعة انفاسهم وهما يسمعوا في صوت الالة يلي كلهم يعرفوه صوت معلن ببداية رحلتهم الجديد !!

فتحوا عيونهم ببطئ لما الالة وقفت فجأة اصواتها وهزها المستمر ، رجعت اضواء الالة لحالتها الطبيعية

شافوا لبعض بنظرات معبية بالتوتر والخوف من الجاي ، نظرات عيونهم لبعض كانت توضح كمية التوتر يلي كل واحد قاعد يحس بيها

شد ادم يديه بقوة بش ماحد ينتبه على رعشتهم يلي بدت واضحة بعد ما وقفت الالة ، يتظاهر انه طبيعي قدامهم قدر المستطاع

اما تامر فا محاولش انه يخفي رعشة ايديه يلي كانت مصاحباته من لما بدت الالة رحلتها

لينا ماقدرتش تتوازن اكتر على رجليها ، قعمزت على ارضية الالة وضمت رجليها وهي تحاول تتنفس

الباقي قعدوا واقفين ويشوفوا لفرح يلي خدت نفس طويل وهي ماشية بخطوات سريعة لعند طاولة التحكم بتشوف هما وصلوا لوجهتهم صح او صار تلخبيط زي المرات يلي فاتوا !!

...........................

رجع شعره وراه بإديه الاتنين لما التفكير وقف ، لما معش عرف كيف يفكر ، المخلوقات هادي وين كانوا الوقت هدا كله ؟؟

بلع ريقه ورجع يشوفلهم مرة تانية ، الواضح انه المخلوقات هادي حتعبه هلباا ، او ممكن مش حتعطيه فرصة يتعب لأنه ببساطة هو مش قد هدا كله !!

نوصفلكم منظر المخلوقات هادي  ، كان جسمهم نفس جسم الانسان لكن بأحجام اكبر واضخم ، كان عندهم بدل الذراع الوحدة تلاتة اذرع يعني ثلاثة ايدين من جهة اليمين واليسار مجموعهم ستة !! ، وكانت اصباعهم طويلة هلبااا

كان راسهم كبيير هلبااا اكببر بهلباااا من جسمهم ، وهدا يوضح كبر الدماغ متاعهم ، الراس من فوق من جهة الدماغ كان اكبر ، عيونهم كذالك كانت كبييييرة بس الغريب انها كانت كلها باللون الاسود مافيش جزء في العين باللون الابيض

اما لون بشرتهم فكان باللون الابيض الناااصع  وفيه لمحات من اللون الوردي

ودانهم كانوا مدورات على الجنب ، وخشمهم كان فتحة وحدة عكسنا حني فيه فتحتين ، وفمهم كان صغييييييير هلباااااا لدرجة قريب معش يبان لونه كان وردي داااكن ، لكن يلي خلى سايمون يستغرب هو انهم لما يتواصلوا مع بعض فمهم ينفتح بطريقة كبيييرة وكأنه مش نفسه يلي كان صغير وهما ساكتين ، وتاني شي لما يتواصلوا مايحركوش في فمهم ابدااا هما عليهم انه يفتحووه بطريقة كبيييرة بسسس

اماا لبسهم فكاان غرييب شوية ، قماش باللون الاسود مفصلينه كلهم على طريقة جسمهم ولابسينه ، يعني لابسينه بطريقة لابسة جسمهم ،من الرقبة لعند الرجلين ، كانوا مش لابسين كنادر او اي شي على رجليهم هما مغطيين حتى رجليهم بالقماش هدا بس ، على جنب متع اللبسة كان في علامه ذهبية موجودة مافهمش سايمون على شني ترمز