سايمون Simon (رواية ليبية )

الحلقة ٣٢

كل عام وانتو بألف خير بمناسبة شهر رمضان الفضيل♥️

________________

#الحلقة_٣٢

كملوا ضحكهم وهدرزتهم ، وتغدوا بعدها كل واحد فيهم رجع لشغله
........................

ناضت على صوت امها الهادي ، الله قداااش ليااا مانضتش على صوتها ، ماكنتش نسحااب روحي بنستاحش الصوت هدا لدرجة يلي اني فيها ، فتحت عيونها بشوية ، شافت امها قدامها ، ابتسمت ودموعها معبيات في عيونها

امي توا اكبر من اخر مرة شفتها ، شعرها تلخط بالشيب ، امي يلي كان شعرها مافيش فيه اي شفت امي من شهور بس ، بس بسبب الة خلتني نشوفها بعد عشرة سنييين ، لو نقوللهم شن صار معاي محد بيصدقني ، هههه بيقولولي مهبولة بس هدا يلي بيقولوه

ام هند تهز في هند من كتفها : وينك سارحة حبيبتي

هند بدت تبكي بالعبرة وحضنت امها : ماماااا معشش نبببي نرجعلهممم

امها حضنتها : مش حترجعيلهم انتي توا بين عيلتلك ، اني معاك

قعدت في حضن امها وتبكي ، حاسة بالضعف ، في اي لحظة بترجع في الدوامة هاادي وبتخلي عيلتها وراهااا

في نفس الدار هناء تبكي بدون صوت ، تمنت امها معاها توا ، تمنت امها تخفف عليها زي ماهند توا امها تخفف عليهاا ، تبي تحس بالأمان تبي حد يقوللها اني معاك ، تمنت يلي صار مع هند صار معاها حتى هي

............................

وصلوا قدام شارع كبييييير معبي لافتاات لماركات ملابس والواضح ماركات معروفة

فرح شافت ل احمد : هدا هو المكان ؟؟

احمد هز راسه : ايي هدا هوو

زهور بصوت عاالي : شووفوووووو

شافو كلهم للمكان يلي اشرت عليه زهور

شافو قدامهم لافتة كبييييييرة على حيط الشارع ، كانت صورة بالأبيض والأسود لخالد وهو لابس بدلة رسمية ، دعاية لماركة معينة

لينا : هو هوووو خاااالد ، لكننن كييف بدي موودل معرووف هككي

فرح : توااا المهم لقيناا اثر لييهم

مراد يرتب في نظارته : تعالوا نسألوا عليه ، نشوفوا مقر الشركة يلي يشتغل فيها ، لازم نتلاقو معاه

فرح شافت لأحمد ومراد : تعالو معااي

زهور : واني وليناا نمشووا معااك ؟؟

فرح بجدية : لالا اقعدوا هني ، ولا ارجعوا للألة ، حني بندوروا وين يتشتغل وبنمشوله

لينا ابتسمتلها : ربي يعاونكم ، متأكدة ماتبيناش ؟؟

فرح وهي تمشي ومعاها مراد واحمد : لالا ردوا بالكم على روحكم

واشرتلهم بأيدها : سلامات