سايمون Simon (رواية ليبية )

الحلقة ٦٦

تفااعلوا بااالييز 😭❤
#سايمون

#الحلقة_٦٦

هز راسه وخش لسيارته الثلاثينية يلي كان لونها اسود ومفتوحة من فوق ، شغلها وطلع من قدام الشركة مخلي الحارس يرجع بنظره لعند حاتم يلي كان طايح ، بلع ريقه ورجع شاف لسيارة يلي بدت تختفي من انظاره

_________________

تكلم بنبرة واثقة وهو مرجع راسه للحيط : هناء مديرهاش

شاف لهناء وملامح الضحكة  على وجهه : قالك مديرهاش ، قوليله درتهاا وتبليت عليك قوليهاا

هناء بعيون حُمر شافت لسايمون : كك كدااب

رفع حاجبه وهو يحط في يديه في جيوبه : علاش بنكذب ؟؟

بلعت ريقها وشافت لمراد بعيون مدمعة وصوت يرجف : مم مراد مم  متص  متصدقاش يكدب

تكلم بنفس النبرة الواثقة وبإبتسامة جانبية ،  بصوت هادي  : نكذبهم كلهم الا انتي يا هناء ، مفيش داعي تبرري

شاف لخوه وبعدها شافلها  بتفنيصة وهو رافع حواجبه : عااااد اني مكذبك ، وعاارفك اديريها واديري عشرة زيهاا

تلفتله مراد ويادوب يشوف ، تكلم بعصبية : احممممد

سكت احمد وهو يشوف لهناء بحقد وكان يلقى ينوض ينهيها

نزلوا دموعها بالقوة وهي تسمع في كلام احمد يلي كان واعر وفي نفس الوقت حقاني ، هي صح باعتهم لكن الظروف خلتها هكي ادير ، مراد زاد صعبها عليها مش قادرة تتحمل معاملته وثقته الكبيرة فيها ، الكارثة انها ما صانتش الثقة هادي

ميل فمه على جنب وهو يرجع بخطواته لعند هند يلي غارقة بدمها فوق الكرسي : تعجبني الثقة الي مش في محلها

شافلها احمد بحقد : كلامه كان يطلع صح وديني هااا ركزي وديني لما نكرهك في اليوم يلي جيتي فيه ...

بلعت ريقها وزادت دموعها نزلوا وهب تشوف لمراد يلي قص عليه وهو واااالع : بعقلك انتتت تكذب هنااء وتصدق هداااا

شافله احمد بعصبية : ايي ايييي نكذبهااااا مششش عاارف طيبتك هاادي وين بتوصلك تيي الخراا هيااا اتهمااتنا بخطفهااا

غمض عيونه وهو يتكلم من بين سنونه : يااا احمممد مطلعنييش من دمااغي ، هنااء مديرهااش اني نعرفهاا

قص عليه احمد وهو قاعد يحاول ينقص من عصبيته : لا متعرفهااش ، مرااد انت متعرفهاااش ، اني متأكد باعاتك !!

تكلمت هناء من بين دموعها : اا ااني مابعتكمش

تلفتوا كلهم لصوت التصفيق : جبتي الدور صح نهنيك

سكتت وهي حاسة بسكاكين قاعدين ينغرسوا في قلبها

كمل كلامه وهو يرجع في نظره ل مراد  : احم ، حذرتك من قبل ما تلعبش معااي ، نبهتك بدال المرة مرات ، قلتلك انت مش قدي ..