#سايمون
#الحلقة_٢٥
........اما الدكتور نادى "علي" قاله تعالى للمكتب نبيك ضروري
..................................
وصلناااا مصراتة اخيرااا ، قالها محمد في خاطره اول ماوصلوا لمصراتة
خالد شاف لمحمد وبإبتسامة: اهوو وصلناها مصراتة
محمد شاف لمصراتة بحب هادي هي المدينة يلي عاش فيها طفولته ، كانت مدينة جمييلة بكل ماتعني الكلمة
خالد يتفرج على المباني القديمة ومستمتع على الاخررر
خالد ضحك : وكأني نتفرج على الاثار
تامر شافله وضحك : ههههه عاد انت ولد المستقبل هدا كله مايعجبكش ، اثار على قولتك هههه
صاحب التاكسي بإستغراب: شن تقولوا ، مافهمت شي
محمد : لالا مادورهمش بصارتهم هكي ديما
صاحب التاكسي : اااه اييي واني نقول شن اثار هادي ، هههه وهداكا يقوله مستقبل ، نسحاب روحي مركب مختشين معاي
خالد وراه يقلد فيه كيف يتكلم بهمس : مختشيين ، تي والله مافي مختش غيرك يا قصقاص
تامر ومحمد يضحكوا على ملامح خالد وهو يقلد في طريقة كلامه وحركاته جابها بزبببط
قطع عليهم صاحب التاكسي : يا اخ محمد وين تبي نوصلك بزبط توا
محمد خدي نفس عميق قبل مايتكلم الوجهة يلي بيمشيلها توا حتكون شاهدة على هلبا حاجات كانت مدفونة
قاله محمد على الحي يلي يبي يمشيله ، وهو قلبه يطق طبوول قبل مايوصل
..............................
كان مقعمز في المكتب مع الدكتور
الدكتور : زي ماقتلك يا اخ "علي" ضروري ماتشوفوا متبرع ، لانه كِليته منتهيييية
علي معش عرف كيف يتصرف، هما مايعرفووا حد هنني ، كييف بيديير
سكت شوية وشاف لدكتور وبِقرار كله انسانية : شوفني اني لو متطابق معاه حنتبرعله بكليتيِ !
........................
و اخيراااا وصلوووا ، محمد قلبببه بيطلللع من مكااانه ، ويلي زاد خلاه يتلخبط اكتر واكتر انه شاف السيارة السودا نفسها قدامه
خالد شاف لمحمد : ماتتوترش ماتتلخبطش ، خليك هاادي رد بالك
محمد هز راسه بمعنى حااضر
تامر خلص حق التاكسي وتفاهم معاه يجيهم في نفس الموعد غدوا
نزلوا من السيارة وهما يشوفوا في الحياش وفي الناس
محمد شاف للحوش يلي تربى فيه من صغره للحوش يلي مشي فيه اول خطواته ، يلي قال فيه اول كلماته ، شاف للحوش يلي كان مليان حب وامااان
أنت تقرأ
سايمون Simon (رواية ليبية )
Fantasiلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
