سايمون Simon (رواية ليبية )

الحلقة ٦٩

تعبت واني نكتب رااه
متتفاعلوش نوريكم 🌚😂❤

#الحلقة_٦٩

جري ناحية الالة لكن هي اختفت فعلا من قدامه !!

ويقعد السر هني ادم شن كان يقصد بكلامه الغامض ؟؟

______________

مراسيم العزا قايمة على اكمل وجهه ، ام هند يلي كان هم الوقت زايد عليها شعرها اكتسى بالون الابيض مع مرور السنوات ، لابسة الاسود ومقعمزة تشوف للفراغ بدموع حسرة على بنتها يلي عاشت السنوات يلي فاتت على امل رجعتها ، لكن يلي كسرها اكتر هو رجوعها في تابوت ، تتذكر في اليوم يلي اختفت فيه بنتها وهناء من بينهم للمرة التانية من غير ما يحسوا او يقدروا ينقذوهم وللمرة تانية يحسوا انهم اباء فاشلين ، مسحت بالمنديل دموعها يلي غرقوا وجهها يلي اتجعد من الحزن المتواصل على فلذة كبدها هند طول السنين يلي فاتت

《شدت في يد امها بالقوة وهي بتبكي : وو والله اهوو شوفيه

اشرتلها على سايمون يلي موجود وهي ماتشوفش فيه

شدت امها في يدها وهي تقرالها على راسها : ارتاحي شوية شكلك ساهرة هلبا يا بنيتي

ضربت بيديها على رجليها وهي تعيط وتشوفله : والله اهووو شووفووه انعميتووا

هناء يلي مشت ناحيته وهي تبكي ، كيف جاية بتمسه مشي من جنبها على طول

تكلم سايمون وهو يشوف للبنات بتنهيدة : ما تعبوش روحكم مايشوفوش فيا

شافتله هناء بعيون مفتوحة وبعدها شافت للعيلة : هاا سمعتتووه ولااا سمعتوووه يتكلم

شدت ريم في يد سلمى بالقوة وجبدتها برا الغرفة : فكيناا توا يركب فينا بسم الله

هزت سلمى راسها بسرعة وهي خايفة : اي اي صح ، تعالي نتوضوا

مشوا يجروا بسرعة وهما يشوفوا وراهم عند عياط هناء وهند

تكلم سايمون وهو يتمشى ناحية السرير : مايسمعوش فياا

تكلمت هند بصوت عالي وهي شادة في ذراع بدها بالقوة : معنااها انت بسم الله مشش انساان

ضحك سايمون وهو يشوف لساعته : لالا في هادي ما جبتيش

كمل ضحكه وهو يشوفلهم : لالا نطمنك انسان

هناء بدموع وحواجب مقربة : علاش جاايي شن مزال تبي

شدتها ام هند من يدها وهي تبكي على حالها هي وبنتها ، طلعوا من عقولهم هبلوا ، يتكلموا مع الحيوط

شافت ل عمر وهي تبكي وتمسح في دموعها : جيب شيخ توااا

طلع عمر التليفون من جيبه وطلع من الغرفة بوجهه مايل للون الاسود بسبب يلي صار ، بعد ما بعد هند من ذراعه