#سايمون
#الحلقة١٧
نزلت وطاحت من الشجرة وانجرحت لكن كملت وهي قاعدة تتعثر بِخطواتها ، مشت للمكان يلي طاحت فيه رهف ، جتها الصدمة الاقوى توا ، الدم موجود ، اللبس يلي كانت لابساته رهف موجود بقايا شعرها موجودة لككن ررهف نفسهااا ويين ؟؟
بدت لينا تعيط وادور في رهف زي المجنونة : رهففففف يااااررررهففف
طاحت على رجليها وبدت تعيط وتبكي وتضرب في روحها : كلللله مننننيييييي وييييينننكككك يااااارهففف
جاها عصام يجري : لينااا خييرك
لينا زي المجنونة : رررهفف ماااتتتت مااااتتتتت
عصام خاف على لينا : بشوية عليك بااهي بشووية
لينا بدت تضرب في رووحهااا : قتتتلكككك مااااتتتتتت ، كييف نهدي رووحي كييف
عصام بدي يندم على الخطة يلي داروها : خلااص توا ندوروها انتي هدي روحك ي
بسس
لينا ووجهها احمر وعيونها حُمر وبهدوء اشرت على الشجرة : هي كانت هني ، هي وينها توا وييين
ورجعت تعيط بهستيرية لعند ما فقدت وعيها
عصام خاااف عليييهااا قاامهااا بسسسرعة وبدي يجرري بيها بيرفعها للمكان متاعهم
كانت رهف تشوفلها من بعيد وتبكي عليها بِحرقة كبيييرة ، كاانت تبكي وتشهق مش متحملة صاحبتها يصيرلها هكي ومن مني منها هي !!
سمعت رهف صوت حد يصفق وراها ، قبلت لمصدر الصوت
الرئيس بِحقارة : كاان التمثيل غاااية في الابدااع ، اتقنتي الدور ، ديماا خليك هكي شااطرة وطبقي الكلام صح ، عجبتيني اليوم
رهف تشوفله ومنقرفة منه ومن افعاله الحقيرة : ياااا وسسخ انتتت حيووواااان
شدها الرئيس من رقبتهااا وبصوت مستفزز : نسسمع مرة تاانية كلمة زيي هكي بتموتي جديات المرة هديكا فهمتتي
رهف حولت يده ومشت بعيد عليه كرررهت كككل ششييي كككل شيييي
"""""
خالد يهز فيها :هيييي انتتتي جاااوبييي على كلااامي
رهف : شن بنجاوب ؟
خالد كتف يديه : انتي وعصام كل شيي درتوه مع بعض ؟
رهف هزت راسها : ايي اني وعصام
خالد وقاعد متكنطي : توا يلي نبي نفهمه علاش درتوااا هككي ؟؟
رهف : درنا هكي بش ننقدوكم
خالد مستغرب : تنقدونا ؟؟
رهف : ايي ننقدوكم لكن للأسف ضحكوا علينا
خالد بإستغراب : من هماا ؟
رهف خدت نفس عميق : المافيا
............بقلم وصال الحمحوم
أنت تقرأ
سايمون Simon (رواية ليبية )
Fantasiلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
