#حلقة٥
محمد عارق ومعش عرف شن يدير
الصوت بدي يقرب والارض تهز هززز من صوت رجليه ...الشجر يتحرك في شجرة طاحت بووم
كل شي تراب
كل شي يهز كللل شي
هند تعيط بهستيرية من الخوف
زهور بمجرد ماشفت رجل الديناصور طاحت مغمى عليها
تامر وخالد يجرو للألة يحاولو يولعوها بشتى الطرق
محمد قاعد يحاول ياخد قرار متوتر خايف كل شعور سئ كان يفكر فيه
لينا تضحك متهسترة : بنموتو راه خلاص تمت قصتنا تميييينا
الدينصور كان ضخممممم وصوته قووييي قووي هلباااا كانت كل خطوة من رجله تهز الارض وطيح في الشجر
خلااااص الديناصور وصل فيهم
كان الرعب مسيطر على المكان
محمد شافلهم وبسرعة تكلم وبصوت عاااااالي :هياااااااا كلكم خشو في الالة
هناء قعدت تجري وخااايفة وتجريييي وفجاءة تجي رجل الديناصور قدام وجهها
وقفت زي الصنم وغمضت عيونها واستسلمت لفكرة انها خلاص هي ميتة لا محالة
بِقلم وصال الحمحوم
محمد يعيط وبصوت عالي لكن صوت الديناصور كان اقوى منه : تيييي هيااااااا فيسسسسع خشووووو
فرح استجمعت قوتها ومشت جري للألة
اما هند كانت واقفة في مكانها وتبكي بقوووة هي عارفة روحها ميتة هكي ولا هكي
زهور طايحة كانت دايخة
شدتها يد بقوووة خلتها ترجع لوعيها بعد مابعدها شوية من قدام الديناصور
الديناصور قام رجله وضربها في لمكان يلي كانت فيه هناء
هناء وجهها تصنم شافت لمكان يلي كانت فيه كله ادمر من ضربة رجل الدينصور
محمد بعياط : برييييي للألة وبسسسرعة
محمد يجري هني وهني خايف وفي نفس الوقت يبي ينقدهم كانت حياته في خطر كبيير وفي اي لحظة بتجي رجل الديناصور عليه !!!
محمد بصوت عالي : يااااا هند بسسسرعة خشي للألة هنننند ياااا هنننند
مشالها جررري وشدها من ايدها وقعد يجري بيها وهي زي لميتة خلاص وجهها جامد من الرعب يلي شافاته
خش للألة وهو داهش : كلكم هني مافي حد ناقص ؟
فرح بتوتر : زهور وعصام ولينا مهناش
محمد رجع طلع ولحقه خااالد
خالد شاف زهور طايحة مشااالها جرري
وهو ماشي طاح من ضربة رجل الدينصور على الارض
خالد خااايف لكن مايبيش يخلي زهور يصيرلها شييي
وصل لزهور بصعووبة
قامها على ضهره وبيجري بيها للألة لكن الدينصور بكبره وضخامته واقف قدامهم !!
محمد يدور في لينا وعصام
لقي لينا قدامه وكأنها مش معاهم مرة وحدة مقعمزة ووجها جامد
أنت تقرأ
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
