#سايمون
#الحلقة١٨
تامر مستغرب من ملامح وجوهم : الشغل كويس ؟؟
خالد اشر على كرسي قدامه : قعمز ، عندنا كلام نبوا نقولوهولك
...............
وصل للحوش وهو في الف حاجة في راسه ، خش للمعمل على طول
احمد كان وراه من بكري لعند ماوصل مراد للحوش ، مشي وراه ولقاه خش للمعمل وكمل شغله على الجثة يلي قدامه
احمد جاه بسرعة وضربه كففف قووي : انت امتى بتتحشم على وجهك وتفكنا منها الحركات هاادي امتى هاااا
مراد ولا كأنه حس بالكف قااعد جاامد دف احمد وكمل شغله على الجثة
احمد رجع ضربه كف ورا كفف ورااا كفف : لأمتى هككككي لأمتى
مراد شافله ووجهه احمر : لعند ما نقتل سايمون ونرجع كل شي لمكانه الطبيعي ،لازم نغير كل شي ،كل شييي نبيه يرجع زي ماكااان فهمتتتتت
احمد دفه على الحييط : وبتررجع كل شي زيي مااكان تجيب جثث ، شننننن بدييير بييييهم
مراد كمل شُغله : في خلايا واحماض معينة لازم ناخدهم بش الساعة ترجع وتخدم من جديد
احمد شاف زي عضام صغااار حاطهم على جنب : متتقوللش هاادو وخدهم من الجثث ؟؟؟؟؟
مراد يكمل في شغله ومش مدوره وبِبرووود : اايي
احمد بعيااط : توااا ترجع الجثة وين مااكانت ووتطلع منه المعمل معش تخششله
مراد بعيااط : بنكممل شغللللييييي فهمتتتتتتت بنكملللله
احمد بدي يكسر في اي شي يجي قدامه : مشششش مكممممل مششش حتكممممل
مراد يوقف فييه بعصبيية : بتفسسسسد كللل شيييي اطلللع براااا
وهما قااعدين يتعااركوو خشت هند وتكلمت بصووت عاالي : هننااء معش لقيتهاا ، والالة مهناااش
وقفوا ضربهم لبعض لما شافو هند فجأة خشت عليهم
مراد بصدمة : يعني اني ماكنتش نحلم ، انتو بجديات هننني ، هناااء وييينهااااا
هند تبكي : مششش عااارفة دورتها في كل مكان ، ومشيت حتى للألة قلت مرات تكون غاادي لقيت الالة مهنااش
مراد متوتر ومش مصدق انه ماكانش يحلم : ارفعينني للمكان يلي كانت فيه الالة بسسرعة
طلعوا بسررعة كللهم بِسيارة احمد و في لمح البصر كانوا في المكان يلي مفروض تكون فيه الالة
كانت الالة موجودة !!!!
احمد شاف لهند : شوفيهاا قاعدة الالة
هند قاعدة مش مستوعبة شيي : ككك ككييف مبكري كانت مهنااش
طلعت هند بسرعة وخشت للألة لقت البنات كلهم فيها حتى هناء كانت معاهم
أنت تقرأ
سايمون Simon (رواية ليبية )
Fantasiaلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
