قبل ماتبدا الحلقة حابة نقول حاجة في الحلقة يلي فاتت قلت عدد معين تصويتات وكومنت لو تجاوزتوهم حنزل الحلقة بس للأسف مااحد دورني ، مع ان في مشاهدات ، الحلقة هاادي لما توصل ٤٠ تصويت و٨٠ كومنت حنزل الحلقة الجاية 🥺♥️
للأسف حاسة روحي نكتب للحيط 😭حاشا البعض ، يلي محلاااهم بجد ♥️
................
#الحلقة_٣٠
ضحكوا الثلاثة مع بعض لانهم ديما يديروا فيها ، ياكلوا ويخلوا في الماعين والحوسة لتامر ومحمد وضرووري تصير عركة عليهم
في الدار يلي جنبهم محمد فاتح عيونه لتوا والنوم قاعد مايبيش يجيه ،ناض من سريره بخفة ومشي بخطوات خفيفة لعند الروشن ، وقف وفتح الروشن ووقف يتنفس بعمق ، رجعت بيه الذاكرة لما عرف خطة بوه بش ينتقم من حاتم
رجوع بالذاكرة ^^
"""""""""""""""""""""""""""""""""""
خالد نحى اللصقة وبدي الفضول يلعب : كيييف
عيسى رجع راسه للكرسي وغمض عيونه : خلوني فترة نوثق فيكم قبل مش حنحكي اكثر من هكي اليوم
خالد يبي يعرف باقي الموضوع فضووول يحك فيه : تييي خلييك واااثق ، واهوو نحلفلك اني ماافيش كلمة بتطلع مني غر كمل شن هيا الخطة تشوقت
تامر شاف لخالد : الراجل عنده الحق خلي يوثق فينا قبل
كمل مع خالد وشاف لعيسى : بإذن الله بنكونوا اهل لثقة
خالد : تيي فكنني شن اهل لثقة نبي نعرف بعدين شن داار وشن هي الخطة
تامر ناض ورجع اللصقة على فم خالد : اسكت
خالد كتف يديه واللصقة على فمه ، ومن تقعميزته متع واحد مش عاجبه الوضع ، يبي يعرف شن صار بعدهاا
محمد شاف لعيسى : باهي كيف بتوثق فينا ؟
عيسى عدل تقعميزته : شكلك نسيت انك بتبدا تشتغل عندي انت وصحابك
محمد بينه وبين نفسه صحح نسييت بنبدوا بنشتغلواا عنده
عيسى كمل كلامه : لو يساعدكم من اليوم تبدوا ، ها شني ؟؟
خالد حول لصقته : شن ها شني ، اكيييد اليوم بنبدوا
بعد ربع الساعة كانوا كلهم مع عيسى في الدروج نازلين بيمشوا معاه لمصراتة ، ببساطة بيبدوا معاه شغل من اليوم
وهمااا كيييف بيطلعوا من العمارة شافوا حاجة تجري من بعيد وفي ايدها شنطة كل شوية اطيح وتقيمها
خالد حط يديه على وجهه : علااش هككي علللاااش اننني ؟؟
عيسى بإستغراب : شن في ؟؟
تامر حتى هو مستغرب : خييرك ؟؟
محمد شاف لشي يلي قريب يوصل فيهم بدي يضحك : هههههه بومباا
أنت تقرأ
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
