#الحلقة_٤٧
تفاعلووا الحلقة طويلة 🥺❤
شافتلها هند ببرود ورجعت راسها على الكرسي وهي تفكر في كلام هناء
_____________________________
رجعت لحوشها وبنتها في ايدها ، تفكر ودماغها مشغول ، من وين طلعوا ؟ ، غمضت عيونها للحظات ورجعت شافت لبنتها بتأثر ، لو كان في خاسر في يلي صار هدا كله بتكون بنتها
سكرت الباب وراها وهي قاعدة تفكر في بنتها ، شن بيكون مصيرها
قابلت عصام يلي وجهه موضح انه كيف ناض من نومه
عصام شفشف شعره وشافلها بإبتسامة ناعسة : وين كنتي نضت مالقيتكمش
ابتسمت رهف على جنب وحطت بنتها على الارض ، لولو اول ما امها حطتها مشت طوول لجهة اللعابها
رهف بنفس الابتسامة : شن النوم هداا ، توا حسيت بغيبتنا هههه
ابتسم عصام ولوح روحه على الكنبة : ههههه عارفة نومتي كيف شكلها انتي ،غيبوبة
تنهدت رهف وقعمزت على كرسي الكنبة يلي مقابله ، مادرت شي غير انها تشوفله بسرحان
عصام بغرور قام حاجبه : عارف روحي حلو
رهف قربت حواجبها : شني ؟
عصام ابتسم بنفس الغرور : من بكري سارحة فيا وسيم عارف روحي ، مافيش داعي تشو...
ماكملش كلامه الا ولقي حاجة انضربت على راسه ، شاف لشي يلي انضرب فيه لقاه وحدة من اللعاب لولو
اول حاجة شافها قدامه كائن صغيرون حاط يده على خصره والتانية في وجهه
لولو بوجهه طفولي متكنطي : اعييي انت مث وثيم فااهم
عصام كمش وجهه : من وين طلعتيلي انتي ؟
لولو حذفت عليه لعبة تانية على وجهه ، والمرة هادي وجعاته : مادخلكث
مشت وخلاته بتطنيشة خشم ورجعت لألعابها
عصام شاد عينه شاف لرهف : بنتك شن جاها ؟
رهف ضحكت على تصرفات بنتها وشافتله : ههههههه تبي الحق تستاهل
لولو خلت اللعابها ورجعت ل بوها وحذفت عليه لعبة كبيرة : باباا انتي مث حلوة
عصام متفاجئ من تصرفات بنته ، شاف لرهف : بديت مش حلوة !، حتى المفردات مضروبة عندها
رهف معش قدرت تتحمل ماتضحكش على تصرفات بنتها الطفولية
......................................
طلع خالد من الحوش ولحقه " علي " يلي تعب من جو المكهرب في الحوش
طلع " علي " وحط يده على كتف خالد : رجلي على رجلك
خالد شافله وتأفئف : اييح خليني في حالي
أنت تقرأ
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
