#سايمون
#الحلقة_٣٨
اما عند البنات استسلموا لنوم على طول ، ماحاولوش حتى يفكروا غدوا شن مستنيهم !
____________________
مجتمعين على النار ، يهدرزوا ويسمعوا في مغامرات بعض خلال سفراتهم عبر الزمن
تامر شاد بطنه : هههههه واككك بالله ماتقولهااا بتفضحني ههههههههه
خالد يضحك وطايح بالضحك على ادم : هههههههههه تيييي والله لمااا نقولهااا
ادم يهز في خالد : ههههههه بالله احكيهااا
عصام ومحمد يضحكوا مع بعض بالقووة ، عارفين الموقف هداا متع تامر
خالد شاف ل علي وادم : واككك هههههه هادي مرة
رجوع بالذاكرة( للموقف متع تامر ) ^^
"""""""""""""""""""""""""
تامر شاف ل لينا وهو منتبه : قصدك اي حاجة ندورها على هدا يلي تحكي عليه نلقيها ؟
رهف خشت بالعرض : تييي اييي حاجة ادورها تلقيها اكتب اي شي يطلع عليه معلومات
تامر مصدوم : والله بجديات
لينا هزت راسها : اي والله بجديات
زهور شافت لخالد : اييي بالله ، ايامات الروبورتات ، توا هدا مصدوم في النت امالا كان يشوف يلي عندنا كيف بيدير هههههه
خالد ربع يديه بحسرة : معش اذكرينيي تي ماكنتش حاس بقيمتهم بكككل
زهور متحسرة : تتفكر كل شي يديروا فيه الروبورتات ، ماكنتش نسحاب في يوم بنبدا نطيب وانظف بروحي ااااه يا القهر نبي نرررجع والله لما نبوس الروبورتات كلهم ونتأسف منهم
خالد يضحك : هههههههه مش لدرجة تتأسفي
زهور كتفت يديها وهي قالبة وجهها : نعمممممة ماااكنتش حااسة بيهاا ياا رااجل ، والله نتأسف غر نرجع بسس
خالد : ههههههه تبي الحق حتى اني بنتأسف معاك ظلمتهم هلباا طلعوا كل شي هما يديروا فيه ، من امتى نعرفوه التنظيف والتطييب بروحنا الا لما شفنا وجهه سايمون
زهور شافتله فيسع وبهمس : اششش اسكت توا يسمعك ساايمون وقتها شن بيحلهاا
في جنبهم تامر خدي التليفون من لينا بعد مافهماته كيف يستخدم النت ، وبدي يبحث ويشوف في النت بعيد عليهم
دقايق ورجعلهم تامر زي الثور الهايج
تامر متعصب : ليناااااا
شافتله لينا بخوف : بسم الله خيييرك
تامر شافلها هي ورهف : بديرروووني مضحككة
خالد مشاله بسرعة : غر بشوية خيرك والع عليهم
تامر شافله وهو متكنطي : تيي يضحكووا علياا يا رااجل
أنت تقرأ
سايمون Simon (رواية ليبية )
Fantasiلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
