سايمون Simon (رواية ليبية )

الحلقة ٣٥

#الحلقة_٣٥
______________
اما خالد تكلم من داخل : من على الباب يا تاامر ؟؟

خالد اول ما وصل قدام الباب انصدم من الشخص يلي واقف ، هاادي شن جاابها هني

رورو مبتسمة ابتسامة عريضة : هااااي

خالد شافلها من فوق للوطة ورجع لداخل اني جوي اخيي وهي رايييقة

تامر مايبيش يعطيها وجهه شافلها ببرود وهو ساكت

رورو تبخ في عطرها المصنصن : خيرك اللطف هكي تتفرج عليا هعهعهههخ ولا اول مرة تشوف جماال

تامر يتفرج وهو منقرف وهدا وااضح على ملامح وجهه ، وزااد القرف ريحة عطرهاا يلي مش عارف من وين جايبتهاا

تامر ببرود وهو بيسكر الباب : بري على حالك وخيتي

رورو وهي تحط في العطر في شنطتها الكبيرة فتحت الباب بسرعة لعند مالوحت تامر على الحيط ، تامر انخلع من دفتها

خشت رورو لشقة وهي تجري : خلووودة وينننك ، خلووودة

تامر مشالها وهو راقيتله : هييي ياا اختت كييف تخشي لشقة شباب بطريقة هاادي

رورو حطت يدها في نصها وبدت تلعلع : لماا تبدا شقتك بروحك تكلمم ، خلودة خطيبي يدفع معاكم في حق الشقة

تامر مسح وجهه من كمية الحاجات الغريبة يلي جت على وجهه من فمها وهي تلعلع

طلع خالد من الدار وهو شاد فوطه في ايده : بالله تطلعي لانه مش وقتك ، وجووي اخييي مانبييش نغلط

رورو بدت تتدلع في دلع يدرررره الكببببد : معقوولة خلووودة هككي تلزني

خالد كيف بيخش للحمام (اكرمكم الله ) تكلمت رورو

رورو حاطة يديها في نصها وبدت تعيط عليه : خلوووووودة علاااش تخووون فيااا

خالد وقتها نسي جوه وشاف لتامر وبدوا يضحكوا مع بعض ، هاادي مستحيل تكون طبيعية

خالد وقف وشافلها : اييي نخوون فيككك هياا خلااص امششي

رورو ابتسمت : هعهعهخههه اصلاا عاادي راااضية

تامر ضحك : ههههههه ماااشاااء الله على الكرامة

خالد شافلها : ياا وخييتي خليني في حاالي فوتيييني ، بالله يا تامر طلعها

تامر شاف لخالد : لااا اني لااا انت ماشفتش الحاجات يلي جت على وجههي الله لا يوريككك

مشي وخدي الفوطة وخش للحمام بيغسل وجهه من قرف رورو

خالد بيغير جوه شوية الجو ملل كتف
يديه وسند روحه على الحيط : ايي ومن هي يلي نخون فيك معاها

رورو تبخ في عطرها وفرحانة بيه ، اما خالد قعد يكح من قوته

رورو لاهية في عطرها : وحدة قالتلي تعرفك