سايمون Simon (رواية ليبية )

الحلقة ٢٨

#الحلقة_٢٨

خالد نحى اللصقة وبدي الفضول يلعب : كيييف

.................................

خشت لغرفة عصام ، من بعد مافصلوا علي وعصام كل واحد غرفة بروحه ، بخطوات هادية تمشي لعند ماوصلت قدام سريره ، شافتله بعيون دابلة من التعب ، في داخلها الحمد لله على سلامتك ، هي خافت تصيرلهم حاجة وهما في العملية خااافت هلبااا ، بس ربي استجاب دعواتها ونجحت العملية ، ابتسمت ومسحت دمعة نزلت منها بالغصب

خش الدكتور للغرفة وابتسم : من فضلك لازم المريض يقعد بروحه

رهف شافتله وهزت راسها ب اوكي طالعة
طلع الدكتور وطلعت وراه رهف وهي حاسة بشوية امان ، سكرت باب الغرفة وراها ومشت وقفت قدام غرفة علي ، شافتله من المرش وابتسمت بفرحة ، الدكتور طمنها عليهم لكن هي قاعدة خايفة عليهم

....................................

نرجعوا للأبطال في ١٩٣٥

وهما يتمشوا وماشيين للألة زهور شافت حاجة خلتها توقف ، لينا انتبهت عليها

لينا : خيرك وقفتي ؟

زهور : شوووفيييي شكلاااااتة

لينا ضربت زهور على كتفها : مبردك خلعتيني

مشت زهور جري للمحل يلي كااان كلللله شكلاتة من كل الانواع ، تجري في كل مكان مش عارفة من اما نوع تبدا ، لينا مشت معاها وبدوو الزوز زي الصغار يلي يبوا يشروا المحل كله

لينا بحماس : وااكك نببي المحلل كلله

زهور تاخد وتحط من كل نوع شكلاتة قدام الكاشير : حتتتى اننني هههههه شوفيي قدااش خدييت

لينا انخلعت لما شافت كمية الشكلاتة يلي خدتها زهور : هداا كله شششني لالا رجعي منهم شن بنديروا بيه

زهور هزت راسها بنفي : لالا هاااادووو كلهم بنااخدهم غررر شوووفي منظرهممم محلاااه

لينا كيف بتتكلم تكلمت بنت كانت تشوفلهم من بكري : هدا كله بتاكليه ؟؟

زهور شافتلها : لالا بنلوحه ،امالا علاش بنشريه بناكله اكييد

البنت تكلمت من طرف خشمها وهي تاخد في طرف شكلاتة وبتخلص : مفجوعة

لينا استفزتها الكلمة : هييي يااا ماماا حولي من طريقنا خير مانجي نكسرلك رقبتك

البنت وشكلها ادور في مشكلة وبإستفزاز : حسيت روحي خفت

زهور تضحك بإستفزاز وهي تخلص وتاخد في الاكياس : ههههه ليناا فوتيهاا ، هادي مفلسة مكحتتتتة وحاسدتنا في شوية الشكلاتة هادي هههههه

البنت ضحكت بهزوة : هههه وعلاش بنحسدكم على لبسكم المبهدل هدا امالا

زهور برفعة خشم شدت يد لينا وتكلمت وهي طالعة : نطيروا في العييييين هههههه