#سايمون
#الحلقة١١
رهف بأبتسامة صفراء : خش للموضوع طوول
اشرتله على حواجبه :واضح شن هو الموضوع ف اختصر
علي ابتسم : هكي اختصرتي عليا هلبا
رهف حطت رجل على رجل وشافتله : شن تبي توا ؟
........
هناء تشوف وقاعدة مش مصدقة عيونها : بنااااااااااتتت تعاااالوووو
جوها كلهم جري
فرح مخلوعة : خيييرك شن فيي ؟
زهور حتى هي زي فرح انخلعت عليها : تكلميي صاارتلك حاجة خيرك
هنااء شافت لنفس المكان : شوفوووو
كلهم شافو المكان يلي شافتله هناء
هند عيونها يلمعو : حيييي هذا شنييي هذا وين كاان
فرح قعمزت على ركبتها وقعدت تتفحص في كمية المجوهرات المش طبيعية : من وين جونا هادوو مستحيل تامر مجمع هذا كله !!
هناء شافتلها : ايي صح هذا كله بيجيبه تامر مستحييل اصلا
كانوا يشوفو في كمية مجوهرات في حياتهم ماشفوها وكأنه طالعة من مغارة علي بابا ،مجوهرات بألوان عجيبة يلي لونه اخضر ويلي اصفر و ازرق والاحمر ، والغريب ان عمرهم ماشافو تامر يدخل في حاجة زي هكي للألة
فرح راسها مشوش : لالا في حاجة غلط هذا كله مستحيل تامر يلي مجمعه هني
زهور تفكر : في حاجة داسها علينا تامر متأكدة اني
هند تفكرت يلي شافاته قبل شوية ومعش عرفت تقوللهم ولا تسكت لعند ماتعرف شن قصة الشي هذا !
فرح : توا بعدين نفكرو من وين جابهم تامر ،توا هيا ناخدو ايي شي من المجوهرات ونبيعوه
زهور : ايي هيا نبي نغير الملابس هادوو
زهور شافت لملابسها يلي خلاص باادو ومعش تقدر تتحمل تقعد لابستهم اكتر من هكي
هناء بجوع : اني خلااص جعااانه
فرح : هيا نمشوو
طلعو البنات وسكرو الالة قبل مايطلعو
.................بقلم وصال الحمحوم
:تقدرو تشتغلو هني من غدوا
قالها صاحب المطعم ل خالد ومحمد يلي خشو يدورو في شغل ليهم
محمد : تمام غدوا نكونوا عندك بإذن الله
صاحب المطعم بإبتسامة : تمام نستناكم
طلعو محمد وخالد من المطعم يلي كان مطعم فاخر وكبير
خالد :لكن المعاش شوية شن بيسد هدا
محمد : هو حني لقينا غيره وقلنا لا ،من الصبح وحني ندورو
خالد :يلا حتى فلوس نمشوا بيها روحناوخلاص
أنت تقرأ
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
