#الحلقة_٣١
احمد لبس جاكيته وطلع من الالة وقعدوا البنات ، حيغيروا ملابسهم ويلحقوهم
.............................
اخت هند تكلمت لما شافت هند وهناء ساكتات : توا هدا سؤال ، شن ماكبرتوش هاادي عاادي تصير
هند وهناء ارتاحوا لما سمعوا الكلام هدا
مالك بملامح استغراب : لا غر استغربت قاعدين نفس الشي مافيش ولا تغيير حتى بسيط
اخ هند تكلم : هههه لكن والله حق ماتغيرتوش بكل ، شوفوا حني كبرنا وانتو على حطة ايدينا
هناء ف خاطرها كان تعرفوا شن هو يلي صااار معانا ، فيلم هندي وربي
هند تضحك : ههههه شن بنديروا بنكبروا روحنا بالغصب
اخت هند بإبتسامة : تعالوا معاي لدار فوق اكيد تعبانات
اخ هند : ارتاحوا شوية لأنه بعدها بنتكلموا هلباااا
هناء بلعت ريقها : ههه اي اكيد بنتكلموا
ركبتهم اخت هند لدارها ، واعطتهم ملابس من عندها بش يغيروهم ، هدرزت عليهم شوية وطلعت بتخليهم يرتاحوا
بعد ماطلعت ، هند شافت لهناء : كيييف بنتصرفوووا توااا
هناء حطت راسها ع المخدة وتكلمت بهدوء : حنتصرفوا طبيييعي
هند ربعت رجليها : كيف تراا
هناء غمضت عيونها : يعني حنتصرفوا على اساس انه انخطفنا وبنعيشواا الدور
هند رجعت راسها على مخدة السرير وبهدوء: اني خااايفة من يلي جاي
..................................
مقعمزين يفطروا وكل واحد فيهم مجهز نفسه لشغله ، هدا هو روتينهم ، يجتمعوا على سفرة الفطور وبعدها معش يتلاقو الا للعشي بسبب ضغوطات اشغالهم
تامر شاف للمطبخ وبعدها شاف لشباب : علاش ماغسلتوش اماعينكم امس
"علي" لما سمع كلام تامر لبس كندرته فيسع عاارف تامر مايحبش الحوسة : هياا سلاامات توا
طلع وخلى ادم وخالد وراه
خالد ياكل ومش مدور : ماعندناش نية نغسلوهم
ادم ناض من كرسيه ولبس جاكيته : اني طالع وقت عليا هيا بسلاامة
الشباب بصوت واحد : بسلاامة
طلع فيسع بعد مارتب خصلات شعرة على المرايا
محمد مقعمز على الكرسي ويرتب في ااوراق شغله بتركيز
تامر شافله : هلباا هكي يا محمد خف على روحك
محمد مركز في الاوراق مايسمعش فيه
أنت تقرأ
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
