#الحلقة_٤٨
هناء دموعها تحجروا في عيونها ، لقت روحها لا شعوريا واخدة المصحف بتقرا منه ، مافي حد عارف ب يلي قاعدة تحس بيه الا ربها
______________________
كتف يديه وشافله بتركيز : قبل مايحكي مراد اي معلومة هو سؤال وياريت تجوابه !
شاف ادم ل احمد : شن سؤالك
احمد قام حاجبه : سايمون بوك ولا ؟
ادم قام حواجبه وشافله بحدة : ايي و بااه ؟؟
احمد رجع شافله بنفس النظرة : من المفروض عارف كل المعلومات عليه بما انه بوك !! وبعدين كيف تكون عدو لبوك حتى لو كان سيئ ...
قاعد بيكمل كلامه لكن قص عليه ادم بصوت فيه الحدة : ياريت ماتتخدلش في شي انت معندكش علاقة بيه
كان من المفترض احمد يصيرله احراج من موقف زي هدا بس كمل كلامه ولا كأنه : يا خوفي تطلع علينا مش معانا
ادم قرب حواجبه بعصبية : قول يلي عندك من غير دوة زايدة
مراد شاف لخوه وتكلم بهدوء : احمد مانبوش مشاكل ارجوك
تامر شاف لمراد وتنهد : ياريت تتكلم وتقوللنا شن تعرف
مراد عدل تقعميزته وشافلهم : اول شي ....
رجوع بالذاكرة ^^
"""""""""""""""""""""""""""""""""
حول محمد ايده ، بعد الكف القوي يلي اعطاهوله
شافله الرئيس بنظرة كرهه وهو كيف حاس بروحه : قسما بالله كله لما ينرد
محمد عارف التصرف يلي داره غلط بس مافيش غيره ، رجع شعره وراه : خلينا نتكلموا ولو لمرة وحدة بهدوء
الرئيس بعروق بارزة : اطللعووا برااا ماانبييش نتكلللم مع حدد
رهف شافتله بوجهه متكنطي وجاية بتتكلم بس تلفتت لجهة التانية على طوول اول ماسمعت باب الغرفة يطق
شافت لمحمد على طوول بخوف : طولنا خلينا نطلعووا
محمد شافله وتكلم بسرعة : حني بنطلعوا توا وياريت تفكر بينك وبين روحك انه لازم نتكلموا مع بعض ونشوفوا حد لعداوتنا ، لانه مافيش سبب منطقي ليها
ادم تكلم بكرهه كبير وشافله بعصبية : ياريت معش نشوف وجوهكم
رهف تبي تجي تريشه تضربه تقتله ايي شي المهم ماتقعدش واقفة هكي وخلاص
محمد شد رهف يلي بديرله فضيحة وطلع بيها بسرعة بعد مافتح الباب ، اول ماطلعوا كان في وجههم ممرضة في ايدها عدة بدخلها للغرفة ، قربت حواجبها بستغراب وهي تشوف فيهم طالعين بطريقة سريعة من غير مايشوفولها حتى ، الدكتور مصعب هو يلي مشرف على حالة المريض هدا ، معناها الدكاترة هادو من يكونوا ؟؟ ، قص عليها حبل افكارها صوت الدكتور يكلم فيها انتبهتله ومشتله على طول
أنت تقرأ
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
