سايمون Simon (رواية ليبية )

الحلقة ١٩

#سايمون

#الحلقة١٩

#وصال_الحمحوم

هند فزت من مكانها وبصوت اعلى : والشبااااب كككلهممم غاااادي في السنة هااادي ، تامر وخاااالد ومحمد غااادي ، يعننني تواا هماا مجتمعيين في نفسس السنة كلهممم ، زعما صدفة ؟؟؟؟

احمد بصوت هادي : اكيد مش صدفة

كلهم شافوله بإستغراب وبصوت واحد : كيييف ؟؟

.................

تامر طلع من الدار بعد ماهدى روحه شوية

تامر بصوت مبحوح : شن صار ، احكي

خالد عدل تقعميزته لما خش تامر : استنى انادي محمد بش نتكلموا مع بعض

خالد مشي نادى محمد وجي

خالد مش عارف من وين يبدا : اليوم واني نخدم في المطعم شفت رهف ومعاها واحد يهدي فيها وكأنها خايفة ولا صايرتلها حاجة ، وكان تتذكر هو نفسه يلي شفناه يراقب فيها اكتر من مرة

تامر : اي عرفته ، هو رائد ولا ؟

خالد : اي رائد ، المهم ماقدرتش نوقف ونسكت لقيت روحي قدامها

تامر كتف يديه بغييظ وبِصوت من بين سنونه : ايي بااه بعدين ؟

خالد متوتر من نظرات تامر : معش تشوفلي هكي معش نعرف نتكلم راه

تامر متكنطي : تكلللم

خالد خدي نفس عميق : مشيتلها وعطيتها على راسها ، المهم يلي معاها اسمه" علي " طلع يعرف كل شي عليها ، وبعدها قالي لازم نحكيلك علاش رهف مثلت عليكم موتها ، وحني توا محتاجين مساعدتكم

تامر : ايييي كممل

خالد : قالي رهف وعصام كانوا متفقين مع بعض

تامر ناض من مكانه : نعمم نعمم عصاام ؟

محمد يهدي فيه : خيرك يا تامر كل شية نايض والع ، اسمع شن بيقوول

تامر رجع قعمز وهو يهز في رجليه بتوتر : كملل هييي

خالد : ايي عصام ورهف ، هما ضحوا بِروحهم بش ينقدونا

تامر استغرب : كييف !!

خالد : رهف وعصام كان عندهم اتفاق مع المافيا ،ينقدونا حني ومايصيرلنا شي ، طبعا عصام بدل الساعة متع المافيا بِوحدة هما صنعوها وحطها في الالة وقالت رهف كانت معاها رسالةهي يلي بتورينا شن بنديروا بزبط بعدها ، بس حني ماشفناهاش للأسف ، طبعا عصام كان يعرف المافيا بيضحكوا عليه هدا لاش كان مش مأمن على كلامهم وبدل الساعات ، قالت كل شي كان مدبر ، الديناصور يلي خش علينا في منطقة معزولة كان مخطط ليه ، المافيا هي يلي خلت الديناصور يخش للمنطقة بش حنى نطلعوا ،ويفضالهم المكان ، قالت فضوه على خاطر الكهف ، هو حقا شن هو الكهف ؟؟