تفاااعلوووا 🥺❤
#الحلقة_٤٢
نرجعوا عن "علي" يلي اول ما انتبه على غياب فرح قلبه قريب وقف
خالد منسجم في الهدرزة بس انتبه على تغير المفاجئ ل "علي" ، هزه بالخفيف من غير ماحد ينتبه عليه ، تلفتله لما حس بيه
خالد شافله بنظره خيرك ؟ ، اشرله "علي" على الدروج ، خالد على طوول فهمهااااا تغيرووا ملامح وجهه بلع ريقه وشاف لدروج
زهور شافت لخالد وهي تكمل في كلامها : لا وتخيل هناء وهند حصلوا في ٢٠٢٠
لينا تتكلم وهي حاطة يدها على خدها : حرام وجعوني هند وهناء زعما شن صاير فيهم
زهور ملامحها تغيروا للحزن : خايفة عليهم
خالد وقف وهو مش منتبه ل ولا حرف قالوه : ماضيفتكمش ههه تعالى "علي" ساعدني
زهور شافتله وهو واقف : لالا مانبوا شي تعالى نكملولك شن صار
خالد شاف ل " علي " وهو متوتر : لا كيف ماتجيش هيا نوض
ناضوا خالد و علي ماشيين ، ناضت لينا : نساعدكم ؟
تلفتلها "علي " وابتسم بتوتر : ضيفتنا اليوم ارتاحي شوية ونجووا
رجعت لينا لمكانها وشافت لزهور : هادوا خيرهم وجوهم انقلبت فجأة
زهور شافتلها وهزت كتفها : مش عارفة
..........................................
مر عليها الوقت وهي فاتحة التليفون وتتصفح في المواقع ، كل مرة تنصدم من كلام الناس والحشمة يلي بدت تنعدم من هلبااا بناات ، قاعدة تنصدم من كمية القرف يلي تشوف فيه من الفيديوهات يلي على اساس دمهم خفيف ولا من المتشبهين بالنساء ، حست بكمية قرف مش عادية ، زادت انصدمت لما شافت الانحلال الا اخلاقي يلي صاير ، تشوف لكلام الناس وعقلياتهم في هلباااا منهم عقليتهم غلللط في غلللط ، فكرت بينها وبين نفسها هما ناسيين انهم في ديانة مسلمة هماا واعيين للي يديروا فيه ، خيرهم تغيروا هلبااا علااش الناس هكي متغيرة وكل شي عندهم عادي ، لاااا والطاامة يسمووا فيها حرية !!!! ، وين الاهاالي ويين الترربية خيرها الدنيا هكي ولت ، هما ناسيين ان وراهم يوم حسااب شكلهم ناسسيين
ضحكت بينها وبين نفسها بهزوة لما شافت المعظم يتجكتروا على بعض بتليفوناتهم وسفرتهم و اكلهم ، يعني بالمجمل يتجكتروا ويتفشكوا على بعض بكل حاجة عندهم ، حست للحظة انهم عايشين بش يتفاخروا على بعض بسس
وهي تتصفح مر عليها منشور كانت بتفوته ، بس رجعتله لما لفتوها الصور بالأبيض والأسود ، كان عنوان المنشور "الملابس في فترة مابين ١٩٣٠-١٩٣٥" ابتسمت بوجع لما اذكرت شن صار معاهم في سنة "١٩٣٠" وانها كانت سبب جيتهم ل "٢٠٢٠" بطيحتها على الالة
أنت تقرأ
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
