#سايمون
#الحلقة_٢٧
عيسى ابتسم: شني مافيش اتفضل
محمد بإرتباك : هههه اعذرني تفضل تفضل
...................................................
مزال ربع ساعة وبيبدوا العملية ، رهف مقعمزة برا وتدعي وخايفة تشوف لدكاترة وهما كل شوية طالعين وخاشين ، يوتروا فيها يخوفواا فيهااا ياارب تساعدهم وتنجح العملية ياارب
كانت في اللحظة هديكا تتمنى يكون معاها اي حد يهون عليها وتهون عليه ، في الموقف هدا بذات صعببب تقعد بروحها ، خالد !!! ، هدا يلي خطر في بالها فجأة اننني كيف نسيت ان خالد موجود معاااي هنيي ، كييف نسييت ، اااه يااا رااسي انني تعبت
.....................................
خش عيسى لشقة الشباب وكل واحد فيهم قبله يطق طبول هدا علاش جاي في الوقت هدا مزال بكري ، حني موعدنا الساعة عشرة
خالد كيف بيطلع لصالة رجع بسسسرعة الراجل قريب شاف للعار يلي دايره في روحه ، مشي لدار وحول المخدات ومسح وجهه من الكتشب وطلع سلم على عيسى وقعمز معاهم ولا كأنه قبل شويه منظره كان بيهجج عيسى
عيسى تكلم لما لقاهم ساكتين ويشوفوله عرفهم مستغربين وجوده في الساعة هادي : اكيد استغربتوا وجودي في الوقت هدا
محمد شاف لساعة يده : بصراحة اي
عيسى وقف وبدي يمشي يمين ويسار وكأنه يبي يبدا في موضوع ومش عارف من وين يبداه ، وهدا التصرف خلى الشباب يزيدوا يتوتروا
تامر شاف لعيسى : تكلم استاذ عيسى خيرك من بكري ادور
عيسى شافلهم ووقف : شن تبوا مني بزبط ؟
الشباب شافوا لبعض ماتوقعوش السؤال هدا ، شن قصده بسؤاله ؟؟؟
خالد : شن قصدك ؟؟
عيسى كتف يديه : قصدي واضح !!
محمد : مافهمتش ، لكن بحسب سؤالك حني شن نبوا؟؟ ، قلنالك شن نبوا ، يلي نبوه شغل بس !
عيسى ضحك بهزوة : هههههه اللعبها على غيري هادي
شافوا لبعض بإستغراب هدا شن يقول
خالد شافله بنفس الهزوة : شن بيلعبها على غيرك ، شن بنكونوا نبوا منك يعننني ؟؟؟
عيسى خبط بيديه على الطاولة : مش انتوو يلييي تبوااا حاااتم يلي يبيي ، ههههه يسااحب بيفوته عليا ، علاااش بااعتكم هااا ششن يببي ؟؟
تامر ناض من مكانه : استنى استنى شن تقول انت ومن هو حاتم ؟؟
عيسى : لاه لاه يابريئ انت توا بتطلع ماتعرفش حاتم ؟؟ ، اماالا من هوو يلي كان يراقب فيا من قداااش ؟؟؟؟؟، ومننن هووو يلي واقف يراقب قدام القصر يومهااا منننني اننني ؟؟؟؟
أنت تقرأ
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
