ريتاج

لم اخبره

اسف لحزنك 😔
لأنني جعلت الأمر أصعب عليك، لأنني لم أفهمك بينما كنت واضحا كالشمس
لأنني امسكت مطرقة كلامي وقفزت الى قاربك المهشم أضرب وأضرب بسوء فهمي أسف لأنني زدتك وجعا بينما كان علي حمله،
أسف لأنني لا اقول هذا الكلام في وجهك ولأنه حتما لن يصلك

اعتذار 💔

..............

ما أعرف افرح لان لارين متحب صقر لو أضوج لأن صقر لما يعرف رح تتأذه مشاعرة ما أعرف أكوللها سمعتج لو لا أحس نفسي ثگل بدل ما يخف عيوني لح يطلعن مكانهن من ورة الصدمة لازم اجاوبها بسرعة حتى لا تستغرب
ريتاج... هستوني أجيت على شنوو سمعتج

لارين...لا هيج ماكوو تردين شي
ريتاج... بيبي تكول تعاي تريكي ويه أمج
هزت راسها ورحت بسرعة للغرفة ما أعرف شسوي من كثر ما أنخبصت احس رح ابجي على شنوو وليش مادري من فرحتي لو من ضوجتي المهم صعدت فوك ادور على غرفة وصقر صار كبالي مدري شكال ما سمعت دا افتح الباب

وأيده وكفتني باوعتله وعيوني من كثر ما فاتحتهن يحركني
صقر... شبيج شبيه وجهج مصفر
ريتاج... وجهي ما بيه شي وجهي.. متوهم
صقر...مريضة بيج شي ريتاج اهلج خابرتيهم
ريتاج... مابيه شي صدكني وأهلي بعدهم بالطيارة يمكن من ورة الاكل الزايد معدتي تأذت

صقر... أنتي وأكل زايد عليمن تضحكين ؟؟
ريتاج... اي صايرة هواي اكل لهذا السبب
صقر...يومين بالمستشفى وما أكلتي شي ضليتي عايشه على الكهوة والجاي لو ما البسكت الله يكثر من أمثاله
حاولت أصير طبيعية وكلت...وشبيه البسكت يخبل بالشوفان 😯

صقر... متأكدة ما بيج شي
هاي المرة صدك فكرت أكول أله بس كلت ما أريد أفتن واني شعليه بالموضوع ريتاج... ماكوو شي للمرة ألالف ..ممكن تعوف ايدي
صقر... هااا..اي اسف ما انتبهت
مشه ونزل من الدرج بسرعة البرق ودخلت للغرفة وبقيت افكر بألي صار

أية

اقسم بالله مو أنسانة تمشي كتلة مال استفزاز كل حركة والثانية أكرهها علساس هي أم اذا هيج الأمهات كلهن جان من زمان خرب الجيل
وخرت الشال من راسي لما دخلت للغرفة ريتاج جانت كاعدة وصافنة شبيها
أية...شبيج صافنة الصفنة موو ألج
ريتاج... جاي افكر ؟؟

أية...بمنوو بيه لو بصقر لو بأم لارين حنونة 😒
كلت أسمها وأني اعيب عشتو مسميها حنان هم
ريتاج وهي تضحك...لا موو بحنونة وبعدين شعدي مفكرة بصقر
أية...عليه حبي عيونج الزعطوط يعرف شيكولن
ريتاج... انجبي اية كعد افكر بأهلي دكيت عليهم هسه وما جاوبوا
أية...هاا عبالي المهم على النت دزيلها رسالة لأمج ولما تشوفها تجاوبج

ريتاج... والله أية متعرفين شحسيت لما شفت أخوية هيج حالته حيل أختنكت وما كدرت أضم الخنكة أحس بلاعيمي توجعني لما اتذكر الصار..
تحجي ودموعها تنزل قهرتني والله مسحتلها دموعها وحضنتها
أية...يعمري انتي لتسوين هيج ترة أبجي وياج ما أتحمل اشوف احد يبجي
ريتاج...أية موو بيدي دموعي تنزل وحدها ماكدر انسه ألي صار مثل شي جاي ينعاد كل ما أكعد وحدي أتذكر وحالة بابا ما شفتيه ظهرة منحني عيونه متعوبة