ريتاج

كذبة

عندما تأتي الأهانة ممن نحب
فلا نملك اكثر من كلمة شكرا 💔

<><><><><><><><><>

صقر

طلعت من البيت وبالكوة متحمل روحي فتحت السيارة ودكيت على صديقي كرار جاوبني وكال... شبيك تأخرت صارلي هواي متانيك تعرف بيه ما عندي سيارة ليش متجي تاخذني من البيت
صقر... صار فد شغلة وما كدرت أجي اعذرني على غير مرة
كرار...يمعود صدك تحجي شصاير صوتك يخوف بداعتي اكو شي
صقر... كرار لخاطر الله لتسأل مالي واهس اسولف بس اعتذرلي من الجماعة

كرار...ماشي ماشي اخذ راحتك ودك عليه لما تفضى
سديت الموبايل وركعته بالكشن طلعت على طريق فارغ ومشيت بسرعة اريد افكر ضليت اسوق لحد ما وكفت السيارة يم الشط لأن اعرف بروحي بس ابقه بالسيارة بعد اكثر لو يخلص البنزين لو يصير حادث تنفست وسندت ظهري على السيارة افكر بريتاج المفروض افكر بلارين وألي سمعته بس لا افكر بيها
ليش ما كالتلي ..لأن لارين كالتلها اني احجي ويه صقر

زين ليش اعتذرت اذا عرفت اني رح اعرف ..
لارين ما ضايج لأن تريد تفسخ الخطوبة بدل ما أضوج اني اكره احد يضم عليه شي ليش ما كالت ألي شصار اني من البداية ما جنت مرتاح لخطوبتنه لأن ما متأكد اذا اني صدك احبها لو لا نوب هيه تريد تفسخها بس متعرف شون ميخالف اني اسهلها الج يا لارين اذا ما اخليج تندمين على اليوم الي لعبتي بيه وياي

وريتاج هم اني اعرف شون اتصرف وياها عود اني دائما احجيلها شيصير وياي بس هيه الله يعلم شضامة 
تنرفزت من كثر ما فكرت طلعت الموبايل من السيارة  لأن جان يدك
باوعت أمي جاوبت بسرعة...هاا يمة تردين شي
امي...لا امي بس ردت اسألك شتاخذ وياك ملابس للدوام حتى احضرها
صقر... لا يمة اني اتصرف لتعبين روحج هسه ارجع للبيت واني احضرهن
امي...صقر يمة شبيك صوتك موو طبيعي

صقر... يمة كتلج هسه اجي واكول شصار يله رح اروح
امي...الله وياك
سديت الموبايل تنفست ومسحت وجهي صعدت للسيارة ورجعت للبيت
تلكتني امي رادت تعرف شبيه بس كلتلها هسه تعرفين صحت على ريتاج باوعتلي وكالت...هااا شتريد
صقر... اريد احجي وياج تعاي
باوعتلي امي مستغربة وريتاج هم صحت ...بسرعة

وصعدت لغرفتي باوعت لأية وكتلها وين لارين
أية...بغرفتها
صقر... صيحيلها خل تجي عدي موضوع وياها
أية...ماشي
لسه ما عرفت منوو صقر حتى هيج تخطط حضرة لارين..

ريتاج

اتعجبت من صقر يكول اريد احجي وياج ولا كدام امه شكد عيب زين شنوو يريد جان عصبي حتى كلامه جان صياح خاله جانت تعرف صاير شي بس شنوو متدري ولا اني معقولة عرف ..
دكيت الباب واجاني صوته..ادخل
دخلت للغرفة هاي ثاني مرة افوتلها المرة الاولى لما تفشلت وهاي المرة بس حيل متغيرة الغرفة وصايرة حلووة باوعتله جان كاعد على الكرسي
صقر... كعدي