ريتاج

زفة

علمتني الرياضيات :
الانتقال من جهه الى اخرى تغير من قيمتي وأن مهما كبر المقام
صغر كل شيء 🙏

____________

كل مرة التقي صقر عبالك اول مرة اشوفه أخجل اتلبك ما اعرف شأحجي اني ام لسان ماما هيج تصيحلي وبشهادة رغد .. أصير طفلة متعرف تربط جملتين لزمت گلبي الي يدك بكل مرة أذكره بيها .. احس بس صقر اكدر اعيش وياه هلمشاعر ومستحيل تصير تجاه احد ثاني ما اعرف هو شنوو احساسه اشتاقيتله صار يومين ما شايفته والسبب اهله وشغله

امه متخليه يجي يشوفني بحجه مشغول وأني ادري ما بقه شي على العرس بنهاية الاسبوع وهسه احنه ببدايته اليوم رح تجي خالتي وبيبي نطلع علمود المهر مالتي يعني ذهب وملابس على مكياج ماما كالت ماكوو داعي نسوي حفلة مهر وخالتي وافقتها على اساس بالحنة رح يلبسني صقر الحلقة والذهب مدري ع شنوو قابل اني ما اعرف البس ولو تقاليد بس بعدين قنعتهم يلبسني بس الحلقة موو ضابطه بالحنة الناس مخبوصة وهو يكعد يلبسنياه..

صاحتني امي من جوه شكلها منتضرة
نزلت وكلت...هااا اجوي
امي...اي خابروني كالوا براس الفرع امشي نطلعلهم
ريتاج... ليش ما يجون يكعدون شويه يستراحون
امي...لاا يردون بسرعة يخلصون ويرجعون همه هم عدهم تحضيرات بعد عرس ابنهم
ريتاج... همم يله امشي نروح

طلعنه من البيت وقفلته ماما ..لأن فارغ بابا بالشغل اخوية يم صديقة وبابا هم رح يجيبه يعني خصم الكلام عنده نسخه من مفتاح البيت ..

وصلنه للفرع ودخلت كعدت وره ويمي ماما
أيهم...هلا بمرت اخوي شونج
ريتاج... الحمدالله انته شونك مرتك شونها ويه البيبي
أيهم...الحمدالله تسلم عليكم والله اعتذر منج خاله مرتي تخربطت
وديتها للمستشفى كضيتها هناك وگابلني الليل ما كدرت اجي
أمي...معذور اعرف بيك هم شغل وهم مرتك خطية حامل تتعب من السفر ولو ادري بيك انته ميهلك تعوف اخوك بعقد زواجه

خالتي...وداعتج اني شكد حجيت وياه وكتله مزعلانه عليك بس لا يكول اخذت بخاطرها عليه
امي...معذور انته هم عندك عائله وقايم بيها يا ابني ..
باوعت لبيبي كعد تستمع الهم وتفر براسها
بيبي...شوفيهم رح يطير النهار وبعدهم يتعاتبون..ولك ايهم امشي بسرعة
ايهم...حاضر بيبي حاضر
بيبي...حضرلك جن مسلم نشالله ..وفوكاهه ما عاجبه
ريتاج... بيبي شمعنه مسلم

بيبي...يروح بيبيتج يكولون الجني المسلم ميأذي احد صايم ومصلي بلكي هلحلو يتعض منه
ايهم...كولي يالله لو ما احنه بالسياره جان طكطتي حرمل (للي ميعرف الحرمل علمود الحسد ريحته تكتل اموت منها 😂🌚.. نرجع للرواية)

السيارة تمشي اني وبيبي نسولف خالتي وامي يسولفن سوه وأيهم ساكت بيبي بس تنكت على بناتها واني لزمت خاصرتي من الضحك حطيت ايدي على جتفها وكلت...اكول جدي ليش اختارج الظاهر يحب نكتج