ريتاج

أغير عليه

الى كل من ينكر الملح والزاد :
گبر طم الملح ما غزر وياك 💔

❤❤❤❤❤❤❤❤❤

متمددة وصقر بصفي راسي على أيده وايده على خصري نسولف سوالف عشوائية بس اهم شي كاعدين سوه

صقر... ليش مجاوبتيني لما سألتج عن موضوع الخطف زعلتي هم
ريتاج...هذا الموضوع أثر بيه هواي هسه رح تحسني جاي ابالغ بس صقر أني اخاف كلش اخاف

صقر... من شنوو تخافين
ريتاج... من كل شي من أنو تعوفني وتروح بسبب هلموضوع فكرت وكلت لو معتدين عليه صقر ما جان باوع بوجهي اصلا وما تزوجني أخاف من نفسي بخصوص علاقتنه اخاف أكسر شي بهلعلاقة وميتصلح فتره بخطوبتنه كمت ما احجي وياك ملاحظ لو لا

صقر... اي وكلت زعلانة مني لسبب ما عرفه
ريتاج... لا من نفس الموضوع لما گلتلي هلكلام اجتي هواي افكار لعقلي بهذلتني ما خلتني اعرف ايدي من رجلي اخاف اخسرك صقر بكلام مني يطلع بسبب غضب أو خوف

صقر... لتخافين اني يمج لتحجين هلكلام وأنسي الموضوع
ريتاج... الكلام سهل ..تدري شكم مرة افز من النوم بسبب كوابيس تجيني وماما خطية تجي تركض تنام يمي مرات ومرات أروح يم مرتضى الهي روحي حتى لا اتذكر .. مرة من المرات كعدته من النوم لأن خايفة من الظلمة وهو ضل يتأفأف بس خطية كعد وياي لحد ما اجتي الكهرباء

صقر... تكدرين تكعديني منا ورايح
ريتاج... ما رح تضوج مني وتتأفأف
صقر... أبد ..اني شكم زوجة عندي حتى أضوج هيه وحدة موكفتني تك رجل
ريتاج...يعني متضوج مني اذا زعلت لسبب تافه أني طبعي هيج
صقر... أتحمل

ريتاج... صقر
صقر... ريتاج
ريتاج... لتعوفني مثل ذيج المرة .. لأن احبك
صقر... أموت عليج ..بس هسه المفروض انتي تحبيني موو
ريتاج... عندك شك بالموضوع استاذ صقر
صقر... رجعنه للأستاذ ..اذا تحبيني المفروض تصيحيلي حبيبي

ريتاج... ليش اسمك شبيه محلوو قابل
صقر...شعرفج بالرومانسية
ريتاج... شعرفني موو أني كلشي ما اعرف بس هذيج جوري الي جلبت بيدك تعرف وهواي هم

ردت أكوم بس جرني من ايدي ووجهي صار گبال وجهه
صقر... شجاب جوري بالنص
ريتاج... قبل شويه شكلتلك
صقر... ما اضوج منج
ريتاج... ولكلامي
حط ايده على وجهي وكال...هسه اني شسمي

ريتاج... صقر أكو غيره
صقر... حظ صقر وحظج ..كومي يله نروح نتعشه

دفعني يريد يكوم بس رجعته على المخدة وگلت...حبيبي ما رح تخلي جوري تتعشا ويانه موو
صقر... شكلتي ما سمعت
ريتاج...سمعت كلش زين هسه كوم خل نتعشا

صقر... ما رح يطير العشا خل نكعد شويه
ريتاج... منوو ستوه راد يكوم خيالك
صقر... سولفيلي عن فهد شويه
ريتاج... لا بطة علساس انته الي رح تحجي عن لارين.. حبك الاول

عوجت حلكي بأخر كلمة جان يضحك ويكول
صقر... لا صدك احجي عن فهد احجيلج عن لارين
ريتاج... فهد ابن عمي
صقر... هاهيه بس هيج