عندما أصبحت محترما 😌✋
أصبح الجميع حقراء 😒
✅✅✅✅✅✅✅✅✅✅
فتحت عيني باوعت للساعة 8:30 كعدت هيج وكت لأن نمت هواي بالسيارة ولو تكسرت عضامي المهم باوعت بصفي أية ماكوو شكلها كاعدة خطية هلبنية تكعد دائما من وكت متلحك تشبع نوم نهظت روحي من الفراش وفتحت شعري رتبته صاير كفشة من ورة النوم عفته مفتوح لبست النعال تكرمون ودخلت للحمام سبحت وغسلت شعري من المستشفى ما كدرت أغسل
أخذت المنشفة ونشفت بيها شعري فتحت الباب صقر كبالي
ريتاج... صباح الخير
صقر... صباح النور شعجب كاعدة توقعت تتأخرين
ريتاج... لا النوم بالسيارة كعدني من وكت
تنهد وكال...هسه شون صرتي لما طلعنه بالسيارة جانت حالتج حاله وبس تبجين
ريتاج... بخير بس ما رح أرتاح لحد ما اسمع أنو اخويه بخير
صقر... نشالله ماكوو شي
أم لارين...شنوو هلجمعة الحلووة و وين يم الحمام تسولفون أكو استقبال
صقر... صباح النور ألج هم
ريتاج... اول شي صباح النور وبعدين شتقصدين بكلامج
ام لارين...تعرفين قصدي كلش زين ..هااا صح نسيت أعرفج بنفسي المدام حنان ام لارين خطيبة صقر
ريتاج... تشرفت .. ريتاج بت أبوية ولازم تعرفين مدام ميصير تحجين هلشكل لأن صقر أبن خالتي ومثل
ام لارين...ومثل منوو
باوعتله وشكله منتضر الجواب...مثل ..اخوية
تجاوزت جسم صقر الي واكف يم الحمام بس ياريتني ما تحركت عطرة وصل لخشمي باوعتله مرة أخيرة وكلت...تكدر تفوت الحمام فارغ
مشيت بعيد عنهم رحت للمطبخ خالة وبيبي كاعدين يسولفن ومحضرات الريوك أية واكفة يم الطباخ تسوي جاي كلت بصوت عالي...صباح الخير
الكل...صباح النور
اية...تعاي ريتاج أوكفي يم الجاي لما يصير صبي لبيبي ولماما أريد أروح للحمام أغسل لان نظفت البيت وما لحكت أدخل
ريتاج... روحي لعد بس صقر بالحمام ستوه دخل
اية...أفوت بالحمام الفوك أذا ما طلع ولو هو يخلص بخمس دقايق ميطول
وكفت يم الطباخ فتحت القوري أشوف الجاي صار لو لا بس كلت خلي شويه بعد علنار
بيبي... اريد اعرف ابنج هذا ما صبر ألا يروح لبغداد بيوم خطوبته
خالة...والله يا يمة حجيت وياه ويكول خالتي لازم اوصلها لبيتها حجيت ويه لارين وكالت اروح وياه لعد حتى الخطار بعدهم ما رايحين فشلة
بيبي...أي يجوز راح لبغداد علمود شخص مشتاقله
كالت وهي تباوع عليه درت وجهي بسرعة وعيني على القوري
خالة...اي هو كال هم يوصل خالته وهم يشوف أبو ريتاج
بيبي...الحمدالله على كل حال على الاقل أجه وأيده موو فارغة
خالة...شنوو ؟!
صقر... تحجون عليه من الصبح شلج بيها جدة
بيبي...يا بيبي والله حايرين خطوبتك ستوها خلصت ورحت لبغداد
صقر... وأعوف خالتي تروح وحدها ميصير
بيبي...كلش واضح علمود خالتك
صقر... بيبي هسه عوفيج من بغداد منو سوه الريوك
خالة...اختك خطية كعدت من وكت
صقر... على كيفكم وياها يا يمة الشغل بس عليها ونوب مره اخوية ببيت اهلها
لتتعبوها ترة أذا اشتكت ألي ما أخليها تشيل ماعون واحد بس هيه متقبل وتشتغل من كيفها تكول ماريد اتعب أمي وانتي هم لتعبيها
أنت تقرأ
ريتاج
Romansaهديت الصوندة من ايدي وكلت...اي ما اريد تساعدني بس عوفني ابتعد عني الله يخليك عوفني صقر...شبيج ريتاج منوو لازمج ريتاج...منوو لازمني؟؟ ردت أرجع لبغداد وأنتوا ما خليتوني لو رجعت جان ما صار ألي صار صقر... ليش شصار!! ريتاج... جان ما.. (باللهجه العرا...
