ريتاج

على حافة الجنون

لما تحب شخص من ردة فعل تصير كدامك أو فقط تصرفه يعجبك أني الموقف الي صار خلاني أتعلق بي أول مرة يصير عندي هذا الشعور وحبيته بس بعد شنو صقر مو ألي يحب لارين ولارين تحبه ليش أصير الطرف الثالث

ألي يحب لازم يتنازل وأني ولأول مرة رح أتنازل عن شي ممكن أكول سبب فد شعور حلوو بداخلي وما أريد هذا الشعور يطور ويصير من أعجاب الى حب وهذا الي ما أريدة يصير

ورة ما أجتي لارين صقر أبتعد عني وضل يحجي وياها وأني ضليت متصنمة بمكاني أجتي لارين وكالت...ريتاج شبيها عينج حمرة
ريتاج...وخرت العدسة من عيني لأن ما متعودة عليها وهيج صارت

لارين...أنتي مخبلة خاف تتأذة عينج ديري بالج مرة ثانية
ريتاج هزيت راسي وكلت...أني وأية خلصنة أجيت حتى أكوللكم
لارين...أي صقر روح شغل السيارة بين ما نكمل

صقر راح وأجتي أية وهم ضلت تحجي علية علمود عيوني رحت أخذ الجنطة والموبايل من الغرفة أية ولارين راحن للسيارة عدلت ملابسي وطلعت
لارين...تعاي ريتاج كعدي يمي

خل أكللكم ترتيب السيارة صقر السايق بصفة كاعد أبراهيم ورة كاعدة لارين وأية بس أحمد ماجاي سألت...وين أحمد ميجي
لارين...لا ميريد راح يلعب طوبة بلملعب

صعدت وطول الطريق أني ساكته اباوع من الجام الكل يسولف أية سألتني
أية...صدك ما كلتي ليش تردين ترجعين
لما كالت أية هيج بسرعة صقر باوع ألي من مراية مال سيارة أما أبراهيم كال
أبراهيم...صدك تردين ترحين ريتاج هن بس كم يوم وترجعين

ريتاج... أي اشتاقيت لبابا أني ما متعودة أعوفة هواي
أية...زين أذا رحتي رح ترجعين بالعرس موو
ريتاج... أي أكيد أجي وية بابا وأخوية
لارين...يعني ماكو فرق أذا ضليتي وأذا رحتي لأن أنتي رح تحضرين العرس

ريتاج... ليش متسدون الموضوع وخل نتونس أحنة منريد نسولف بأشياء تافهه
أية...أوك بس حاولي تبقين زين
هزيت راسي وكال أبراهيم...باعوا ترة أحنة رح نروح مدينة ألعاب ينطوني كارت وحدي بيه ألعب بي كل الألعاب

ريتاج... أني هم رح أخذ كارت وحدي
أية...أكول أني معظم الألعاب أخاف ألعبهن يعني خلي وحدة منكم وياي بالكارت
لارين...أية وياي لأن أني ما أريد أركب ألعاب هواي وأضوج وحدي

صقر... وصلنا يلا نزلوا خلي أسد السيارة
نزلنا وأجة أبراهيم يمي... يعني أنتي متخافين من هذني الألعاب
ريتاج... لا شكو أخاف أصلا
أبراهيم...يعني أذا خسرتي رح تنفذيلي ألي أريدة

ريتاج... ما أنفذ لأن أصلا ما رح أخسر أني أعرف نفسي
ابراهيم...ثقتج عالية بنفسج أتمنى تبقى لما نفوت
ريتاج أبتسمت...أنته ألي لازم تخاف أبراهيم
أبراهيم...شكد تعاندين غير تكولين ما أكدر وأخاف

ريتاج... هواي تباوع مسلسلات موو
أبراهيم... أي ليش ؟؟
ريتاج... مبين من سوالفك عود بالمرة الجاية كلي يا مسلسلة تتابع
كلت هيج وشفت لارين طكت ضحك...والله صحيح مرات أني أكول ألة هيج