ريتاج

كورونا

وضعته في امانتكَ يا اللّه ..
احفظه من اجلي

.....

طلعت من الغرفة ما أدري وين اروح لأن بس ابقه زايد وياه تصير عركة شكبرها أني اصريت انو منتعارك قبل لا يروح بس اني منوو حتى يتنفذ الي اريده

كعدت بالاستقبال جان الكل بغرفهم كلش واضح اسراء وأختها راحن لغرفة اية لو ما موجودات جان نمت يمها وما اكدر اروح هناك حتى تفرح اسراء

تمددت على التخم وجان اكو غطا حاطيه وره الكرسي جريته تغطيت بيه
سمعت صوت بالمطبخ عرفت صقر يدور عليه بس غطيت وجهي لأن ماريد احجي وياه ابد وأني بهلحالة

انفتح باب الاستقبال ودخل صقر
صقر... يعني حتنامين هنا
ريتاج....

صقر... امشي ريتاج ادري كاعدة لتسويهن عليه
ريتاج... ما كعد الوت عليك بس ما ريد احجي وياك
صقر... خوش لعد رح اطفي الضوة نامي براحتج

ريتاج... عو..
ما لحكت اكمل كلامي وطفاه
ريتاج... عادي انام بدون ضوة ماكوو مشكلة اهم شي موو يمك

سمعت الباب تنسد شكله راح
ريتاج... لاا حباب موو وكتك هيج تطفي الضوة تدري بيه اخاف..

ريتاج... صقر .. صقر

وكفت اريد اوصل للضوة والخوف ماكلني
ايدي وصلت للدكمة واسمع صوت من وراية
... هااااااا

صاح بأذني كمزت من الخوف
دست على الضوة بساع واعتلك
باوعتله وعيوني دمعت

ريتاج... ليش هيج تسوي حرام عليك

كعدت بالكاع وايدي على عيوني احاول اهدء روحي وخوفي بس ماكوو
بالعكس عيوني كامت تدمع
صقر نزل لمستوايه حط ايده على جتفي

ريتاج... وخر عني يله لتلزمني
صقر... ريتاج اهدي اشاقه وياج صدك تحجين

ريتاج... وانته صدك تحجي بأقل من دقيقة اجتي اسراء وزعلت مني اذا تبقه اكثر شنوو حيصير الله يعلم

مسحت دموعي بس رجعن نزلن جريت الغطا من الكاع وتمددت اريد انام
صقر... يعني حتضلين على نفس التصرفات متكبرين شويه وتعقلين

ريتاج... لو تتذكر يا صقر كتلك انو تصرفاتي ما رح تعجبك وانته كلت اتحمل علمودج بس الظاهر طلع بس كلام

غطيت وجهي وكلت...ما رح اكبر وما اعقل خلي اسراء تفيدك هيه الجبيرة العقل عفته الها

صقر... ريتاج لتحجين على اسراء هيج البنية ما بيني وبينها شي ليش تدخليها بالرايحة والجاية

ريتاج... لأن بالرايحة والجاية رح تضل تسمعني كلام مثل قبل ..
صقر... مثل قبل ؟!

سويت نفسي مسمعته ولا حجيت هيج كلت...اذا سمحت اعلك الضوة اريد انام
صقر... شتقصدين مثل قبل ؟
ريتاج... ماكوو شي يله روح