ريتاج

مظاهرة

لا تدخل حياة من لا يحتاجك.. ولا تفرض نفسک على
من لا يريدك فمن أرادك سيفعل المستحيل..؟ ليكسب قلبك💓

===========
ريتاج

كاعدة بنصهم مثل التمثال لا أتحرك ولا أحجي بس صافنة أريد اعرف شنوو نهاية لأن كعد امثل على نفسي وعلى الي كبالي أول مرة أسمع كلام گلبي خلاني أوكع لشخص مرتبط ما أدري شنوو اسوي بس صافنة أحس من كثر أعصابي تلفت حتى أي رد فعل ماكو بس أسمع كلامهم وهم يتناقشون ويضحكون

باوعت لصقر لكيته صافن عليه وحاط أيده على خده أبتسم ودار وجهه .. لا ياربي نوب يبتسم بوجهي درت للارين جانت تسولف ويه بابا أمي راحت تسوي عشا لأن رح يباتون يمنه والباجر اتفق ابويه وياهم الصبح ساعة 10:00 يرحون للبصرة

بابا كال وهو يغمزلي...ريتاج جانت نايمة بالفراش يمكن مريضة ردت أحاجيها تكول مابيه شي بعدين طلعت ضايجة طباكات بعد...
ردت أحجي وأكول ما بيه شي بس أمي أجتي من المطبخ وهي تركض
أمي...يمه شبيها بنيتي خاف تعبتي من الشغل والله يا ريتاج..موو كتلج عوفي البيت أني لما ارجع انظفه ونوب البيت كلش نظيف اول مرة تنظفين هيج

ريتاج... ماما مابيه شي على كيفج موو من ورة الشغل وقابل أعوف البيت وصخ تره مينكعد بي وبعدين أدري بيج رح تلومين بروحج وتكولين من الشغل بس لا موو من شغل البيت..
أمي... محمد بنتك ضلت حابسة روحها بالغرفة موو

هز بابا راسة وكملت... هاي الحالة تجيها من تضوج لما جانت تضوج مني تحبس روحها بالغرفة الا أجي اراضيها يلا تطلع.
تحجي وتباوع عليهم قاطعتها وكلت...مصار شي خل أروح اسوي گهوة للظيوف تعاي وياي ماما .. لزمت ماما من أيدها ورحنه للمطبخ وكعدت أسولف

وياها شبسرعة اشتاقيتلها سولفتلها على رغد وكالت لازم نروح نباركلها وأخذتنا السوالف ...

صقر :

ما أعرف شجاي اسوي شجابني لبغداد ستوني خاطب أروح مسافة شطولها بس حتى أسلم عليها هاي المخبلة نوب صدك مكانها صار خالي شكد جنت اسولف وياها وأتعارك ردت أحجي وياها بالسيارة قبل لا نرجع من الحنة مال بت خالتي بس شفتها ضايجة وكلت ما أريد ازعجها .. وأني من شوكت أحسب
حساب شخص لا ونوب حتى ما أزعجها أحس روحي تخبلت كاعد بالخطبة وأتذكرها وأبتسم.. ما جاي أكدر أنسه خوفها لما لزمت أيدي صورتها ما عافت تفكيري لما شفتها بالحنة ..ستغفر الله شبيك صقر أصحى عيب هالكلام.. جنت أفكر بيها وأباوع عليها أنتبهت ألي أبتسمت ودرت وجهي

ردت أسألها ليش جان موبايلج مغلق بس أبوها سبقني وكال جانت مريضة باوعت عليها بصدمة ردت أحجي وخالة أجتي بسرعة وضلت تسولف وياها شني السالفة كل مرة أريد احجي يقاطعوني لارين جانت تكلب بموبايلها كلت

صقر... لارين عوفي الموبايل شويه
لارين...هااا ... أي حبيبي هسه هاي صديقتي خبصتني جاي تسأل على خطوبتي (ركزولي على صديقتها ألي متكدر ألا تراسلها كل شويه😉😁 لأن وراها شي )
صقر... جاوبيها بعدين ما رح يصير شي أذا عفتيها شويه.
هزت راسها بسرعة وسدت الموبايل شبيها هاي البنية كل مرة أسألها منوو تكول صديقتي شني صديقتها ما تنطي مجال .. سوالف ٢٤ ساعة