ربما لهذا السبب لم يبقى لي اصدقاء
لأنني لم اعد اعاتب احداً او اجبر احد
على البقاء ..
😞 ---
الا اني اخبرهم دائما اني احبهم
اعبر عن شوقي لهم
اتطلع دائما للحديث معهم !
......
بعد الغدة راحوا خالتي وبيبي امي لحت عليهم يباتون بس ما قبلوا او خالي عامر الي ما قبل جان مستعجل علمود الشغل وكال شعدهم باقين وتطمنوا على صحة مرتضى.. احس مدري شبيه الي يشوفهه يكول كاره الكعدة بهلبيت وأمي بالعكس استقبلته برحابة صدر اخويه واخوية صار هواي مجاي وماكوو هم كالب وجهه سوتلهم غدة ودزت بابا يجيب دجاجة شوي خاف ميكفي جانت مسويه برياني مدري شلون لحكت وهمه بالعشره يله وصلوا للبيت
المهم كعدت اغسل اماعين الغدة ومرتضى كاعد على الكرسي الي بالمطبخ يسولف وياي على الي صار هناك وسوالف عادية حسستني انو اني رجعت
واخيرا لبيتي ابتسمت على كلامه لما كال
مرتضى...لو تشوفين غرفة العمليات بس الاجواء تخوف نوب اني من الأبرة اخاف يردون يحطولي كانونة بأيدي ما خليتهم يلزمون ايدي حطوا البخاخ على خشمي ضليت حابس نفسي وما اشتم لحد ما اختنكت واحتاجيت هوه يله تنفست وكتها بسرعة ثكلت عيوني ونمت جنت خايف اتخدر بالبنج ورة ما خلصت العملية كعدت وشفت امي تقره القرآن على راسي وأبوية كاعد يحجي ويه الطبيب
ريتاج... تمنيت اني وياكم حتى اوكف يم امي وأصبرها احجي ويه بابا وأطمنه اضحك عليك وانته بعدك بالبنج
كلت هيج وأبتسمت لما سمعته يحجي...مضحكة عدج اني
ريتاج... والله اني احب اضحك عليك وخصوصا وانته موو بوعيك
مرتضى...احترمي نفسج ريتاج موو اخوج الصغير ومتحترميني
غسلت ايدي وحطيتها على جتفه...ديله طرزان غير اخويه الوحيد وبعدين انته وعدتني نلعب بلي وينه كلامك وجذبك
مرتضى...اني ما اجذب امشي بالاستقبال اثبت كلامي
ريتاج... ابو الهمبله
مشيت للأستقبال وجان كاعد بابا يكلب بموبايله حطيت الكوشاية بحضني وكعدت بصفه وأباوع على مرتضى الي يفتح البلي ويطلع اقراص ..لعبت مال قتال اني وياه بنفس الفريق ولازم الثنين يحمون بعض كلت واني مندمجة...دير بالك الدم رح يخلص
مرتضى...لعد شكوو دتلعبين وياي احميني ولج لتخافين على روحج دمج فول
ريتاج..اني جاي العب علمودك لو علمود افوز
مرتضى...غبية انتي اذا اموت اني نخسر ثنينه لازم تحميني حتى تستمر اللعبة وما اموت
صاح بصوت عالي لما وكع اللاعب مالته وكال...متعرفين تلعبين بس تحركين بالدكم مال يدة ذيج مرة لعبت ويه بابا وفزنه
ريتاج... هيه هاي اللعبة فاشلة امشي جيب قرص بي خير خل نلعب طوبة
بابا...يلا حتى العب وياكم ..
طلع مرتضى من اللعبة وهو يدردم عليه علساس اني الي خسرته وابوية سكته وكله...كافي انته تخسر وتذبها براس الي يلعب وياك اشتغل وانته ساكت
وراها صدك لعبنه دور اختاريت فريقي مانشستر وخسرت ويه بابا بس فزت على مرتضى ما اريد اختار الفريق الي احبه وبعدين اخسر ..انسحبت لما شفت ماما تشتغل وحدها ورحت حتى اساعدها بقه بابا ومرتضى يلعبون اخر كيم ..
أنت تقرأ
ريتاج
Lãng mạnهديت الصوندة من ايدي وكلت...اي ما اريد تساعدني بس عوفني ابتعد عني الله يخليك عوفني صقر...شبيج ريتاج منوو لازمج ريتاج...منوو لازمني؟؟ ردت أرجع لبغداد وأنتوا ما خليتوني لو رجعت جان ما صار ألي صار صقر... ليش شصار!! ريتاج... جان ما.. (باللهجه العرا...
