ريتاج

الى متى سأستمر ؟

سمعنه صوت عالي بالاستقبال اني والبنات طلعنه نشوف شكوو
بيبي...ابني المفروض انته هسه متزوج خل اشوفلك بنت الحلال كل مره
نوصللهم يفتحون موضوع زواجك
خاله نورس...يمه هسه هي البنيه هم ما معيوبه ليش متريدها
صقر...يمه اسرااااء مثل اختي ولا يوم فكرت اتزوجها شكم مره اعيدها
بيبي...لعد شوكت تزوج موو ملينه يا ابني وطبعا اني هم ما احبها اسراء تصرفاتها طايشه وما عندها ثقل
نورس...يمه اكو وحده براسك
صقر... يمه اني من اريد اتزوج اقول ارحموني عاااااااد رايح راد ما اسمع بس كلمه زواج على لسانكم حرام عليكم وبعدين الي اتزوجها رح اختارها اني محد اله دخل بحياتي اني اختارها
بيبي...تعلي صوتك قدامي يا حيف التربيه
صقر نزل يم رجل بيبي...لا تزعلين مني حجيه تعرفين معزتكم عندي شكثر وبس ارد اخطب اجي اعلمج اول وحده واقولج هااي الي قلبي تمناها وانتي الي تزوجيني بيدج
وراح باس ايدها وراسها
بيبي...يمه لعد اني عندي غيركم من حركه قلبي احجي ولو اني اعرف ان انته معلملك على وحده بس ما اعرف مني بس لو اعرف اخطبها لك
صقر... كل شي بوكته حلو حجيه يلا اني راح اطلع
عافهم راح اخذ سيارته وطلع
بيبي...شوكت يصير الاكل نريد نفلت منهم وقلنا متعشايين روحو سوو اكل حتى اخذ الدوه مالي تره الضغط صعد
ريتاج ويه نفسها...معقوله الحب لهدرجه يخلي الشخص ميتقبل غيره ولا يشوف احد بعينه غيرها
صدك وكتها حسيت انو الشخص الي يحميني والي رح يحبني طول عمري ما القاه لأن بساطه اي شخص يحاول يتقربلي ابعده بألف طريقه بس صقر اني الي ساعدته واحجي وياه عبالك اعرفه من سنين رحت للغرفه وحتى ما ساعدتهم. انسدحت على الفراش وأفكر افكر بشخصيه صقر بحبه للارين بكلامه نصه الغاز تمنيت انو يجي شخص مثله بحياتي
بسرعه طلعت موبايلي والسماعات كعدت اسمع اغاني عسى ولعل انو ابعد هااي الافكار وأبطل افكر بي بس ما يفيد غمضت عيني وحلمت
شخص ما مبين وجهه من كثر الظلام الي يحاوطه لازم ايدي ويلبسني محبس خطوبه وأهلي كلهم يباوعولي بنظره حزن فجأه
كعدت على صوت أية وهي تصيحني
أية...ريتاج كعدي يلا تريقي ويانه
ريتاج...من شوكت اني نايمه عبالي كعدتيني حتى اتعشه
أية...ياا عشه البارحه قالوا صيحيها تاكل بس انتي نايمه قلت خليها خطيه تعبت والله فاتتج احداث تموت
تحجي وهي مبين عليها الفرح
ريتاج... شكوو شصاير هااي بس نمت تفوتني الاحداث
أية...البارحه صقر نخبصنه عليه بالاتصالات نتصل وميرد من لما راح ساعه ١٢:٠٠ وهو ماكو امي دك وميجاوب عبالنا صاير شي رجع ساعه ١٢:٣٠ بس اجه امي من خوفها عليه ضربته راشدي وضلت تبجي اخويه موو من عوايده يتأخر بس حتى اذا يتأخر يدك على امي ويكللها طالع وراح اتأخر بس هلمره هو متقصد يسوي هيج
ريتاج... شلوون متقصد
اية...هو سولفلي كل شي خل اكمل السالفه راح لعمي ابو لارين جان كاعد وخايف عليه قاله انو هوه يحب بنته ويريد يزوجها بعد موافقت ابوها طبعا كلنه مصدومين من تصرفاته صقر الرزن الثقيل هيج يتصرف
امي ما حجت ضلت ساكته بس بيبي ضلت تصيح وتقوله انت صاحي شبيك صقر وراها عمي جاوبه كالة بعدين نحجي روح ارتاح والصباح رباح وصدك راح هناك وامي فاتت للغرفه تحجي وياه وبيبي راحت تنام ما بيها حيل والكل رجع لمكانه
ما احجي على الشعور البشع الي حسيته وكتها احس قلبي وجعني رغم ما تربطني بي علاقه بس المشاعر الي حسيتها البارحه خلتني اتعلق بي بدون ما احس ضليت اسمعها بدون حركه
راحت أية نزلت اني فتت للحمام وطلعت نشفت شعري ونزلت الكل كاعد يتريك صقر شافني وحجه...هااا مكضيتها نووم ريتاج شنو سالفتج
ما جاوبته لأن كلش مالي خلك أحساسي هسه كلش مضوجني لما تحس بمشاعر تجاه شخص تعرف بيه يحب غيرك وراها احس اتقزز من نفسي انو املك هااي المشاعر الي هي موو ملكي اصلا
كعدت يم ابراهيم ضلينه نسولف ولا باوعت على صقر احس اخجل اباوع عليه وأني بقلبي مشاعر تجاهه اما هوو ضل يباوع عليه مستغرب لأن ما جاوبته كل مره اكعد اتعارك وياه لو نشاقه هااي المره حتى لما حاجاني ما جاوبته وأحسن حتى لا اتعلق بي
ريتاج... ماما اريد احاجي بابا مشتاقتله خل يجي ياخذني لبغداد
امي...شبيج يمه هو احنه شضلينه حتى تشتاقيله وترحين لبغداد ما تطير
انتبهت للهدوء الي صار الكل يستمع للكلام ومستغربين
ريتاج...ماما انتي ابقي هنا بس اني اختنگت والناس هنا اكثرها ما اعرفها بس بيت جدي يعني لما يصير العرس اجي اني وبابا واخويه انتي مشتاقتلهم ابقي يمهم لحد العرس
امي...توقعت تخابرين ابوج روحي خابري موو عندج موبايل
اعرف امي ضاجت بس شسوي لازم ابتعد عنهم وخصوصا صقر ولارين لارين طول الوقت بس تباوع على صقر وتبتسم كرهت نضرتها اله بهاي الطريقه احسن من هاااي الكعده وقفت ورحت اصلا ما اشتهي اكل رحت للغرفه خابرت بابا مشغول رحت للمطبخ لقيت امي تخابره
وسمعتها تكول...احجي وياها شنوو ترجع انت كوللها عندي شغل ماشي يلا اخذ راحتك
دارت وجهها شافتني سويت نفسي ما سمعتها رجعت للغرفه خابرته
الوالد...هلوو ريتاج شونج بنتي
ريتاج... مشتاقتلك تعال رجعني حباب هناا الناس ما اعرفهم احس روحي غريبه بينهم تره سمعتها الماما تحجي وياك
الوالد...امج تريدج تبقين وياها بااعي ابقي يومين هنا وراها اجي اخذج زين بس علمود امج لتضوج اصبري بنتي
ريتاج... اي ماشي يلا مع السلامه
سديت التلفون ونزلت
أية...بااعي ريتاج نروح احنه البنات مدينه للألعاب
لارين...شنوو احنه زعاطيط نروح ألعاب
ريتاج... تره الالعاب موو بس للأطفال وهماتين الأطفال ميدخلون للألعاب يخافون وأذا انتي حاسبه نفسج چبيره لتدخلين
لارين...لا لعد غيرت رأيي اجي اجي
أية...وناخذ ويانه امي وأمج بس رح يلتهون اليوم ويرحون يشوفون جهاز العروس
ريتاج... شنوو رأيكم نروح بدون اهلنا
أية...انتي من كل عقلج ميقبلون الا ويانه شخص جبير
لارين...شنوو رأيكم ناخذ ويانه صقر واخواني
أية...خوش فكره اروح اني اقنع صقر علمود يكول لأمي
لارين...واني لازم اكول لبابا ولبراهيم واحمد
ريتاج... خلص لعد وأمي ما اعتقد تعارض لأن هي تعرف اني ضايجه
أية...وبعدين نتناقش بموضوع رجعتج لبغداد 🙍
ريتاج... يلا بنات كل وحده لشغلها كون ساعه 3:00 احنه جاي نلبس ملابس الطلعه اوك بلتوفيق
رحت لأمي وقلتلها
امي...ياحبيبتي ميقبلون هنا طلعين بدون اهلج احنه مو بغداد
ريتاج... يمه انتي بس وافقي واحنه ندبر منوو يجي ويانه
امي...ليش منوو رح تاخذون وياكم؟؟
ريتاج... صقر واخوان لارين واصلا صقر جبير يتحمل المسؤليه
امي...ماشي بس كون اهلهم يقبلون يلا اني اروح للحمام طلعيلي حجاب وملابس لأن فد شويه نروح للسوق
ريتاج...ليش موو علساس ترحون لبيت خالتي علمود تشوفوهه
امي...اي بس هسه بعد وكت رح نروح اني وخالتج للسوق نفتر لأن صار هواي مرايحه للسوق وشويه اغير جو
طلعتلها ملابس ودخلت للحمام
ريتاج... يلا اروح اشوف البنات شسون
رحت لأية
أية...باعي امي تكول شوفي اخوج يقبل وصقر ميقبل يكول مابيه حيل
ريتاج...اخوج هذا رح يخبلني اني اعرف شحجي وياه روحي شوفي لارين شسوت
لارين...تحجون عليه؟؟
أية...هاا حاجيتي ابوج اخوانج شكالوا
لارين...ابويه ميقبل اروح الا اذا وياي اخواني واحمد ماعنده اشكال بس ابراهيم مريض فلاونزا مابي حيل كلتله اطلع وغير جو ويانه وانطيته دوه يلا اقتنع اكيد بابا ما يقبل اطلع وحدي ويه صقر بعد الي صار
ريتاج ببرود... بااقي بس نقنع صقر وهي هااي المشكله
لارين...لتخافين هسه اني اقنعه يلا روحوا جهزوا نفسكم بين ما احجي وياه
أية...تعااي وياي ريتاج وجيبي ملابسج لغرفتي حتى تنسقيلي ملابس ذوقج حلوو
ريتاج...ههه يلا امشي

لبست أني قميص وردي وبنطرون كيلوت أزرق  ولبست أية ثوب طويل أزرق بي خطوط ابيض وحجاب بنفس لون الفستان وحذاء ابيض
حطيت مكياج خفيف وحطيت عدسات اول مره البسهن وأحس نفسي ما مرتاحه بيهن
أية...اكول انتي تعرفين تحطيهن بس متعرفين تنزعيهن
ريتاج... شسوي ولج رح اروح لارين تعرف وأصلا اني عيوني ما تعودت احطلها عدسات خل انزعهن احسن
أية...ديلا روحي بسرعه قبل لا نتأخر اني خلصت هم
ريتاج نزلت وأني أدور على لارين بعدين رحتلها للغرفه
بس الي شفته ابد مو لصالحي
صقر كاعد ويمه لارين وهي لازمه وجهه وتحجي ويااه
شافني صقر وحجه...هاا ريتاج كملتوا
باوعتلي لارين بطرف عينها وأبتعدت منه
ريتاج... أسفه يمكن اجيت بوقت موو مناسب بس ردت لارين
توخر العدسات لأن اخاف اشيلهن ويمكن موو فاضيتلي يلا رح اوخرهن اني

رحت للمطبخ بسرعه وطلعت مي اشرب وأيدي ترجف هااي شكوو ليش ايدي ترجف اصحي ريتاج عود ليش انتي عصبيه وليش يهمج الموضوع اصلا هي خطيبته تقريبا
وهسه اني شكوو افكر بيهم ما اريد شي بس يطلع من تفكيري وهذا الي ما اكدر اسويه اعصابي صعدت فول من نفسي ومن دون ما احس شنوو اسوي واني ضايجه طلعت العدسات من عيني صح طلعتهن بس احس صارت توجعني اهوو وقتها تجاهلت عيني تقريبا السراحيه نصها خلصت واني اشرب مي من وره اعصابي ردت اصب مي بعد بس جفلت على صوت

صقر... لشوكت رح تضلين تشربين مي
ما جاوبته شربت  الكلاص ودرت وجهي عليه
ريتاج... ليوين تريد توصل عوفني براحتي
صقر... معقوله ما بيج شي بس شكلج يختلف
ريتاج... اني لما اضوج اشرب مي حته اوخر العصبيه
صقر... ومن شنوو ضايجه ؟؟
ريتاج... موو شغلتك وخر اريد اروح
صقر... ماا اوخر الا تكولين ليش ضايجه
ريتاج... بس اريد افهم شنوو يهمك اذا كنت ضايجه او لا المهم جوابي
اني ضايجه لأن.. باوعلي بنظره اي كملي ...لأن بابا ميقبل يجي ياخذني عنده شغل
صقر... هاا يعني مامرتاحه بيت جدج بس صدك من لما اجيتي والبيت هوسه
ريتاج... اسفه الظاهر ازعجتك بس لتخاف يوم يومين ويجي ابويه يرجعني لبغداد
صقر ضل يباوع عليها ومبتسم...عيونج شبيها صارت حمره
ريتاج... من العدسات نزعتهن
صقر... شتسوين بيهن وانتي عيونج حلووه
ضلت صافنه عليه بدون ما تنطق كلمة بس تأكدت انو وجهه صار احمر
لارين...يلا صقر خلصن...ة
يتبع....
Love you 💓
بااي