ريتاج

بداية اعتراف

الحب 💓
ليست كلمات عشق وغزل فقط بل هو عناية واهتمام بمن تحب
والبقاء معه طول العمر دون ان تتغير مشاعرك تجاهه 💜

❤❤❤❤❤❤❤❤

صقر

رجعت من الدوام وماكل خس من ورة القائد اشتغل على حمايته وحمايه امثاله الحثالة ميستاهلون ..هددني يقيلني من مكاني اذا حجيت عليه لأن هو رتبته اعله مني ومحد رح يصدك كلامي شكم مرة اهدده اذا يرتشي ابلغ عنه هلمرة صار يهددني بوظيفتي عباله رح اسكت وهذا الشي الي ما اتحمله ما أكدر اضل ساكت عليه لأن الساكت عن الحق شيطان اخرس وهو يرتشي حتى يمشي معاملات الناس مال الألتحاق ماكوو معاملة تمشي عده اذا موو بفلوس
للشرطة ظاهريا ميصير بس هو الحقير من جوه لجوه يشتغل حتى اذا شغلة بسيطة يحتاجلها بس توقيع لو ختم الا ينطوه فلوس يله يحرك ايده .. الوصخ مدري شون رح اتحمله لحد ما انقل لو احجيلهم على سوالفه لو انفصل من شغلي

حاجتني امي تعذرت منها لأن جان عقلي موو يمي سولفتلها على هلنذل
بعدين جوابها صدمني ولجمني نفس الوقت لأن جان صحيح
امي...يمه قابل غريبة كل الناس هسه اذا رادت تمشي شغلها الا تنطي فلوس يله حارك نفسك على هيج شغله
صقر... يمه ترديني ماا اضوج وأني احميه يرتشي تعرفين شنوو رشوه حرام يمه حرام ...والله لو أكضه الزمه وأطيرله سنونه هاي اذا عده سنون اصلا

امي...صقر انته تعرف موو قصدي.. تعوفه براحته وأدري غلط بس يمه اني خايفة عليك هذا رتبته عاليه وألف واحد يسنده حتى لو على الغلط وانته منوو عندك يا يمة اذا صارلك شي وين انطي وجهي
صقر... صح يمه منوو عندي منوو يسندني بظهري.. هو شخص واحد وراح من بين ايدي ..بس ورب العزة اذا ما اخليه يعض اصابيعه ندم لأن يتجرأ يهددني
امي...يمه الله يهديك لتسوي هيج اني موو على شي اخاف عليك
صقر... ماكوو شي نشالله لتخافين ..اذا ما عندي اب يسندني عندي اصدقاء ينشد الظهر بيهم بس يردون اطلب مساعدتهم يتسطرون سره ونتي تعرفين نص اصدقائي بالشرطة والجيش ..الله كريم

كلت هيج وترخصت منها رحت لغرفتي
دكيت على صديقي ارشد
صقر... الوو هلوو ارشد شونك
ارشد...هلا اغاتي شونك
صقر... الحمدالله ونت
ارشد...أسأل عنك مختفي ما تنصاد
صقر... محد يكدر يصيد صقر
ارشد...هههه نفسك ما تغيرت اي أمر خدمة ابو المراجل
صقر... والله انته تعرف أنا احب وظيفتي وما اكدر اقصر بشي
ارشد...حشاك من التقصير

صقر... ودائما اريد احصل على رتبه احسن من الي عندي بس ما احسد احد
ارشد...كلامك كله ذهب صاير شي
صقر... والله ما اكدر اطول بالكلام وما اريد ازحم عليك
ارشد...جان خجلت من كلامك ..اخوي ماكوو اي زحمة نته صاحب فضل عليه
صقر...ماطول عليك القائد الي اشتغل علموده وأسعى على حمايته موو خوش
اريدك تساعدني وتجرده من رتبته موو وظيفته خطية
ارشد...ما اسألك السبب لأن اعرف بيك متأذي احد الا اذا جان غلطان بس متأكد من كلامك
صقر... تعرف بيه خويه كلمتي متصير ثنين
ارشد...تأمرني امر نشالله من ترجع من دوامك تلكاه مختفي