ريتاج

شعور بالذنب

قد تكون الكتابات وكل الكلمات ميتة ،،مكفنة في اوراق دفاترنا البيضاء
معانيها مدفونة بين السطور..على الرفوف وفي ادراج المكاتب ،
لاتحيا الا عندما تُقرأ فتجري الدماء في اوصالها بخيال القارئ..
وعندما يصدّقها تضج بالحياة 💓

✅✅✅✅✅✅✅✅✅✅

ريتاج

كعدت هذا اليوم من وكت ساعة 6:30 حتى اكدر احجي ويه صقر بس تفاجأت لما كالتلي خالة طالع صارله هواي شكد ضجت وانقهرت ضلت حصرة بگلبي ليش حجيت هذا الكلام واني ادري بروحي رح اتندم.. رح اتندم لان جان عكس الي حاسه بيه ادك عليه وميجاوب يطلعلي مغلق مبين ضايج من عندي والله ما جنت اقصد كل الي اريده هسه اوضحله انو ساعة غضب وراحت نسيت الي سواه وعلاقتي بلارين حيل خربت ضليت كاعدة وما كدرت ارجع انام لارين وامها وخوانها وابوها طلعوا للمطار من الغبشة ضلينه اني وخاله

كاعدين نسولف سولفتلي على صقر وسولفتلها ليش صقر صاحني وضحتلها انو اني سمعت لارين تحجي بس ما ردت اصير فتانة ولارين عبالها اني حجيت ليش ما حجيت جزء صقر لما اتهمني ما ادري بس حجيت المهم  رتاحيت حتى بعد لحد يسألني ...جدي حيل ضايج وما طايق نفسه من ورة خالي وروحته المفاجئة و صقر الي ما رضه يحجي ويه احد منهم خالتي كالت صقر طالع على ابوه عصبي بس موو كلش يكره احد يضم عليه شي واني
شسويت 😯..المهم أية نايمة كعدنة اني وخالة نشتغل بالبيت ونسولف

صدك حسيتها تشبه امي بحيث حتى ما استحي اسولف وياها بالعكس ارتاحيتلها ورة ما نظفنه الاستقبال والمطبخ كعدنه ناخذ استراحة
خالة...والله ريتاج تعبتج وياي كل مرة أية تنظف بس خطية تعبانة
ريتاج... عادي خالة تعبج راحة
خالة...يحبيتي ..سولفيلي ماكوو احد ببالج
ريتاج... خالة اني اريد اكمل الجامعة يله افكر بالزواج
خالة... بنتي ماكوو يعني احد تقدملج
ريتاج... هذا الولد الي وصلنة اني وامي لهنا اول ما اجينه راد يتقدملي
بس مقبلت

خالة...اهلج يدرون بيه
ريتاج... لا الصراحة خالة ما كلت بس لبابا اني ما اريد ارتبط بشخص اعتبره اخوية صدكيني لما جنه صغار جنت اطلع اني وياه نلعب بباب الحوش وهسه لما طلب ايدي حيل اضوج منه واحس حتى خوتنه لما جنه صغار خربت
خالة...صح تتزوجين شخص معتبرته اخوج متضبط
ريتاج... ماما تحبه وتكول خوش ولد ..امنه بالله خوش ولد بس وحياتي وياه وره الزواج شنوو رح تكون لهذا السبب ما كلتلها بابا كال بكيفج ترفضين تقبلين ما اكدر اجبرج على شي لان هذا زواج موو لعبة

كملت بعد ما انطتني خالة تفاحة...و فهد ابن عمي طلب ايدي من بابا سولف وياه بالموضوع بس بابا ما انطاه جواب وكله بنتي تريد تكمل دراسة وبعدين الله كريم وهسه منتظر شوكت اكمل دراستي حتى يتقدملي مرة ثانية وهاي المرة ماعندي عذر ، وما اكدر ارفض لان اخاف علاقه بابا ويه اخوه تخرب وهو الوحيد الي يحجي وياه من اخوانه
خالة...اي صح كالتلي امج
ردت احجي بس صوت بيبي خلاني اخترع