ريتاج

قلبك ملكي ..

💔
عندما يحضر تتسارع نبضات قلبي اشعر درجه حرارتي عاليه بقربه
وعندما يتكلم ابقى صامته لأنقش كل حركه تصدر منه في قلبي
منعت نفسي مرارا من حبه لكن عندما ارى عينيه يختلف كل شيء
رغم انني قطعت عهدا لقلبي ان لا احبه لكنني التي نكثته 💔💔💔
اليس هذا مؤلم؟؟

❤❤❤❤

وجهي صار احمر على اصفر من الاحراج والخوف مدري ليش خايفة كلش خايفة من صقر من مشاعري ..اخاف انكسر اتشتت وهو موو يمي مثل ما سوه
والشي الاكثر مخوفني هو حبه للارين ما اريد اتزوجه وهو ميحبني والي شاغل بالي الزواج .. اني موو كد الزواج ..انطوني لسان اكدر ارد على اي شخص حتى لو ترامب سوولي اي شي اخطفوني ولا اتحمل مسؤلية لأن الموضوع موو لعب موو بس تقدملي للزواج ولازم اوافق الموضوع اكبر من هيج..

اول ما سمعت كلام صقر وما جان تخيلات بسرعة البرق طفرت ورحت لغرفتي همه عبالهم بس خجل لا خجل وخوف وشويه فرحانه .. فرحانه لأن صقر تقدملي بهلطريقة الحلووة وهمس بأذني ولسه اذني حمرة من الخجل.. اني شسويت طلعتلهم بهلملابس وخشمي الي خابصني عبالك كاعدة بالقطب الشمالي لا والاكثر ما عرفت انو نضرات امي الها معنى الا لما تفشلت  تمنيت افتهمها قبل لا يصير هلموقف سديت الغرفة وقفلتها باوعت لنفسي وكعدت على الجرباية بابا جان كاعد وفرحان ..توقعت رح يضل قلق وضايج بس لا ابتسامته واسعة ومبين راضي على الوضع واصلا ما مهتم بعمي ولا بفهد..

اني اريد ارفضة وما اريد ..اذا تزوجت فهد رح اضل طول عمري ندمانه لأن اعرفه ميناسبني صح يحبني بس مستحيل اتقبله واني بكلبي صقر رح أظلم فهد وياي بهلطريقة وهم يصير حرام عليه العب بمشاعره واتزوجه ومو متقبلته اصلا
بالنسبة لصقر وألي تقدملي قبل شويه ..مادري متشتته اني اصلا ما مفكره بيوم انو رح تصير الشغله مال زواج صدك بس جانت مشاعر حافرتها بگلبي ومجنت متوقعة توصلني صقر الي احبه رح يصير من نصيبي ..ما جنت حاطة هلتفكير بدماغي ابد كل ما افكر بالموضوع احس روحي ما مستعدة للزواج
يمكن ارفض من ورة ترددي

بس تفلتين من صقر يجيج فهد هو وأبوه وأنجبر اتزوجه وبهيج اصير ظالمة صقر وظالمة نفسي هم... اووف كومة افكار .. كطع حبلها أمي الي دكت الباب وتصيح فتحيها اريد احجي وياج احس بطني تلويني من التوتر رحت على كيف أريد افتح الباب وسمعتها تكول...يله ياا بنتي ما رح أكلج بس اسألج
هو هذا الي ما اريدة اكليني بس لتسألين السؤال الي بدماغي
دخلت وسدت الباب وراها باوعتلي وبتسمت...الحبيب بذكره اجه يخطبج
ريتاج... شتقصدين ؟
امي...جنت احاجي خالتج وسولفتلها كومة سوالف ومن ضمنها خطوبتج ويمكن صقر سامع الكلام من أمه وجاي يريد يخطبج
ريتاج...بدون رد
لزمت ماما ايدي بحنان وكعدتني يمها على الجرباية وكالت...ريتاج ادري بيج خايفة بنتي واعرفج حتى لو تحبيه لصقر ادري بيج ممتوقعه نوصل لهل مواصيل بنتي فكري زين
ريتاج... اني ما احس روحي مال زواج ويمكن أرفض