ريتاج

البصرة منزلي الجديد

نصحوني بزيارة طبيب نفسي بسبب منشوراتي ..
وعندما زرته اصبح الطبيب من متابعيني..!

❤❤❤❤❤❤

رجعنه للبيت ما طلعنه لأن مسوين حجر وبس الطيارات مسموحلها ترجع بسبب كورونا دخل للعراق الكل جان متوقع ميدخل بس بده من محافظة النجف وأنتشر قليل ببقية المحافظات ولازم نرجع قبل لا يقفلون المطارات هم ونبقه بأربيل

ما كدرت اتونس بس احسلي ببيتي موو بمحافظة بعيدة كل البعد عن مكاني ما كدرت اودع ماما لان بسرعة رحنه للبصرة مر اسبوع على حياتي ببيت جديد وسط عائلة تعتبر هيه عائلتي الجديدة ..

صقر راح لدوامه ورجع مر يومين و باجر الصبح رح يروح للدوام مرة ثانية
اني وأية ماخذين على بعضنه وصرنه منتفارق ابد

بالنسبة لحمزة اليوم رح يجيب أهله يخطبون أية اني تفاجأت لما سمعت وأية جانت حيل خجلانه متحجي عنه ولا تجيب طاريه كأنو متعرفه

وأني ما ضغطت عليها حتى لا تخجل وتضوج عفتها على راحتها
بالنسبة لبيبي اريد اشوف حفيدي قبل لا اموت مدري شني سالفتها وكل
مرة تحجي هيج الكل يعتب عليها ويضوج منها الله يطول بعمرها هيه الي محليه البيت بسوالفها

بعدين يا حفيد بهلزلك وأحنه ستونه متزوجين ..طبعا اول ما رجعنه من أربيل سوو عزيمة وأجوي كومة كرايب بس ماما ماكدرت تجي سألتها ليش ما قبلت تجاوب اعتقد تخاف من المرض للصراحة احسن خل يخافون ..
طلعت ملابس صقر مال دوام حطيتهن بالجنطة

اجه دخل للغرفة وكال...موو كتلج عوفيهن اني ارتبهن يا عيني
ريتاج... ممم هسه صرت عينك الظهر حضرت وسويت أكل بس علمود حضرت جنابك تاكل من ايدي واني جنت حيل فرحانه اول مرة اطبخ اخر شي تكول لحنين عاشت ايدج حرام عليك هيج تعبت لحد ما سويتهن حتى اصابيعي نجون من النار

لزم ايدي بين ايديه وكال...يعني شمدريني متعودين لو حنين لو امي هيه تسوي أكل بعدين ليش فجأة اجتي فكرة الطبخ

ريتاج... حنين تطبخ لزوجها تسويله الي يحبه وتغسله هدومه تكويهن اني بس اغسلهن مرات انته تطلب منها لو من اختك يضربوهن اوتي

راد يحجي بس ما انطيته مجال... هذيج المرة رجعت ويه شهاب جنتوا طالعين لما رجعتوا راح شهاب ينام وأنته طلبت من حنين غدة اني جنت اباوعلك بس ما حجيت لأن جنت تعبان .. يعني اني زوجتك لو حنين فهمني

صقر... مفهمت هسه شتردين يا عيني
ريتاج... بعد متطلب شي من حنين عدها رجلها مكفيها والبنية خطية عدها جهال اذا تريد اطلب مني اني زوجتك كوي ملابس اني اكويهن حتى لو يحتركن عادي اهم شي حنين وأية ميتعبن بطلباتك الزايدة

صقر... طلباتي يعني زايدة
ريتاج... عليهن اي زايدة بس عليه لا.. ليش؟
صقر... لأن انتي زوجتي
ريتاج... اي وهسه عوفني خل اكمل ترتيب الجنطة قبل لا يجون الخطار بعدني زعلانه منك "للعلم" .