خايف تجون بوكت تلكوني بس
طاري لو تسألون المقبره ما تعرفون
اخباري 😞💔
.........
سألت أمي بصوت ناصي والخجل ماكلني...من شوكت انتوا هنا
خالتي جانت تباوع بنضرة صرامة وابتسامة تحاول تخفيها من وجهها
بيبي جانت تبتسم بوجهي وما حجت شي
خالتي...بعيونه يحط ريتاج وبلاويها ..من شوكت هلحجي
فتحت عيني على وسعها لا ياربي شهلموقف الزفت جانت تباوع على صقر
بيبي...ونتي شكوو عوفيهم بحالهم يا مرة
ضلوا يتهامسون اخر شي حمدت ربي عندي رجلين أطفر بيهن ما انتبهت لصقر وبسرعة دخلت لغرفتي وهلمرة حلفت ما افتحها
امي دكت الباب وكالت...هسه موافقة يعني
ريتاج... يمة الله عليج موو وكتها
امي...سمعنا كل شي بس انطيني الكلمة من ورة الباب ادري بيج تستحين
ريتاج... أي اي كافي هاهية روحي موو سمعتي الي حجيته بعد شكوو
امي...يله لعد الف مبروك نشالله
غطيت وجهي بالغطا ومو بس وجهي كل جسمي من الفشلة
بعمري ما نحطيت موقف محرج هلشكل بحيث تمنيت الكاع تبلعني
....
أية
الجامعة جان حلم ضايع لكيته وحققته اول مرة ادخل للجامعة اجواء مختلفة عليه وما ارتاحيت بالأسبوع الاول وبعدين اتأقلمت
جنت كاعدة على المسطبة وأنتظر المحاضرة الي وراها تعرفت على بنات جدد لأن صديقاتي الي اعرفهن نصهن راحن غير جامعة والنص الثاني معهد وصديقتي المقربة كوثر بطلت لأن اهلها زوجوها ابن عمها وهيه مجانت تحب الدراسة كلش ..حيل ضجت ما اعرف ولا شخص بس الي وياي بالقسم اتعرفت عليهم فقط أسامي وبنية اسمها سجى دائما وياي لأن شكلها متعرف احد مثلي
وكتها حنيت لصديقاتي بالسادس وأيام المدرسة جنه ننسى رواحنه لما نسولف بس التفتت للمستقبل طلعت من قوقعة الخوف والتردد لازم الحياة تتغير ما رح تبقى على حالها ..اجتي سجى وكعدت يمي
سجى...باعي امشي نفتر باقي الاقسام نغير جو مليت من الكعدة
أية...والله مادري يا سجى حتى ماريد احجي ويه اي شخص بس بموضوع الدراسة خااف تطلع عليه حجاية وأني بالكوة وصلت لهلمرحلة بالتواسيل
بس سجى جان الها رأي ثاني وكالت...امشي يمعودة قابل احنه رايحين لجهنم هيه الجامعة ونفتر بيها قابل طالعين لغير مكان وبعدين المحاضرة الثانية بعدلها هواي يله تبدي رح نضل صافنين
وافقتها وكالت بسرعة ...اكلج سمعت الي بقسمنه يحجون على أعلى طالب بالكلية ومعدلة جان 200شكد ذكي تخيلي موو بس 100 الي حاولنا ناخذها هو ميتين يا الله شنوو من عقل عنده
اية...صدك وين موجود بجامعتنه
هزت راسها وجرتني من ايدي كالت...مرحلة ثالثة وطلع الأول على دفعته ويمكن واحد ثاني بالجامعة يتنافس وياه على لقب الاول بالجامعة وصايره بينهم شرار ذيج المرة تعاركوا بالقسم تتذكرين من كتلج تعاي وكتها جنتي تقرين بالحديقة مال جامعة وما اهتميتي لكلامي تقريبا الجامعة نصها راحت تشوف شنوو صاير هناك
أنت تقرأ
ريتاج
Romanceهديت الصوندة من ايدي وكلت...اي ما اريد تساعدني بس عوفني ابتعد عني الله يخليك عوفني صقر...شبيج ريتاج منوو لازمج ريتاج...منوو لازمني؟؟ ردت أرجع لبغداد وأنتوا ما خليتوني لو رجعت جان ما صار ألي صار صقر... ليش شصار!! ريتاج... جان ما.. (باللهجه العرا...
