ريتاج

..

عندما تتهافت عليك الطعنات لا تفرق حينها
بين من يطعنك ومن يريد ان يمسد على ظهرك.

........

الكل يم صقر واني رحت احضرله الحمام خطية هسه اكيد تعبان
حضرت هدوم ومنشفة وحطيتهن على الجرباية

كعدت ارتب مكياجي الي خرب من دموعي ولساني ابجي مسحت وجهي اخر مرة ورحت اعدل نفسي

بعد نص ساعة على الحفلة ولازم صقر يحضر روحه لأن هوه اخو العروس صح ماكوو حفلة بس اهل العريس رح يجون علمود يلبسوها الذهب المفروض اخوها موجود وجاهز بهليوم

ردت اروح اصيحه بس انفتحت الباب ودخل
باوعتله وضحكتي رح توصل لأذاني نزع جفوفه وكمامته وراح غسل بالحمام واجه ..فتحلي ايده

رحت لحضنه وكلت...قبل شويه حضنتك وأنته الي وخرتني
صقر... شسوي عيب اهلي كلهم واكفين وانتي اجيتي بهاي ملابسج
ريتاج... شنوو الغريب بملابسي وهمين كلهم خوالي ماكوو احد غريب وثالث شي انته زوجي قابل منوو حضنت

صقر... هاا صايرة جريئة حضرة جنابج
ريتاج... اشتاقيتلك
صقر... واني هم
ريتاج... تدري رجعت اعلك الضوة لما انام وأضل خايفة لحد ما اغفة

صقر... احنه موو اتفقنه تبطلين هلشغلة وتنامين بدون لتفكرين
ريتاج... مكدرت وأنته موو يمي صقر احس اذا ماكوو ضوة اختنك بس لما انته يمي اهده

رجع حطني على صدرة وكال...الحمدالله الي شاكين بيه طلع عدة صخونه بالعظام لو بيه كورونا جان ما اجيت وضليت بالمستشفى

ريتاج... الحمدالله والشكر على سلامتك

وخرت عنه وكلت...ساعة بيش هسه
صقر... رح تصير الاربعة
ريتاج... يمعود حضر روحك الخطار بدو يجون هسه

صقر... ميصير اخذ وقت مستقطع ويه زوجتي يعني
ريتاج... عيب من الناس واخوك وياهم لازم تروح

ماسمعني وحط كصته على كصتي وكال...طالعة تخبلين
ريتاج... صقر ..

صقر... اششش اسكتي شويه
غمضت عيني وما حجيت شي قرب وجهه عليه وندكت الباب

صقر... استغفر الله العظيم
ضحكت وكلت...روح شوف منوو علباب حبيبي

عوج حلكه وكال...يعني من يصيحوني لو يدكون الباب يله اصير حبيبج

رجعت اندكت الباب وصاحت خالتي...يمة كعد تبدل

راح فتح الباب وحجت وياه

صقر... هاا يبعد روحي
خالتي...شني هاي صقر بعدك ما مبدل دروح يمة روح خاف يسألون عنك

صقر... يمة شنوو حاجة الحفلة بهلوضع
خالتي...يمة محد رح يجي بس حمزة امه وأبوه محد عزمت
صقر...خوش الشيخ وصل
خالتي...راح يجيبوه اهل العريس وهمه خابروا كالوا بالطريق