ريتاج

لاشيء جديد سوى..

انتَ لا تعلم اي معروف اصنع بك !!؟
حين لا اسمح لك بالاقتراب مني كفاية

🐾🐾🐾🐾🐾🐾🐾🐾

اسراء...شسوين بالحديقة
ابد موو وكتها ووكت استجوابها
ريتاج... هسه شنوو رح تستفادين اذا كتلج خوما استجواب
اسراء...ردت أعرف بس مشفتج
ريتاج... صايرة هواي تتدخلين بأمور مالج علاقة بيها
اسراء...وشنو الخاص بيج بس ردت اسأل الكل ملتهين بس انتي ماكوو
ريتاج... جنت اخابر صديقتي بالحديقة المكان هوسه بالاستقبال ورحت هناك
اسراء....ايه.. يلا امشي رح يصبون اكل
لزمتها من ايدها وجريتها حجيت بأذنها...لسا مانسيت الي سويتيه

كملت واني ابتسم...انصحج تديرين بالج على روحج لان
ما رح اضمن الج تصرفاتي فألزمي حدودج
هديت ايدها ورحت شكلها انصدمت من الكلام الي كلته لان ذيج المرة
حست بيه عبالك ضعيفة وما اكدر ادافع عن نفسي بس لا ما شافت مني
شي ..
لكيتهم صابين اكل ومكملين كاعدين على السفرة عيوني تدور شخص
لكيته بس جان كاعد ولا هامه شي أبتسمت على تفكيري شنو قابل
يجي يسحبلي الكرسي حتى أكعد لو ينتضرني اجي

خالة...ليش صافنة ريتاج تعاي كعدي اكلي
ريتاج... خالة ما اشتهي أكل بالعافية
كلت لما شفت أسراء كعدت بصف صقر قاطعت تفكيري وكالت
خالة....يا بنتي انتي شأكلتي من لما اجيتي وأكلج قليل صايرة جلد وعظم
الحجية...البنية الضعيفة محلوة محد يدور جلد وعظم السمينة احله
جدي...تعاي جدي كعدي يمي
رحت يمه وكعدت لزمني من ايدي وكال...سولفيلي من منوو زعلانة اذا على السمن أني تعجبني البنية الضعيفة على الاقل اكدر اشيلها اذا صار بيها شي لا سمح الله موو ينكطع نفسي لما ألزم ايدها

ريتاج...جدو اني ما أكل موو لان اريد اصير ضعيفة صح ما احب السمن بس اني بعقلي غير شي تماما
جدي...تماما ..جاا شنوو هاي تماما
ألتفتت لصقر الي جان يبتسم على كلامي
ريتاج... افكر دائما بأهلي بحيث من كثر ما أفكر بيهم أنسه روحي
انسه انو اني جوعانة لو عطشانة بس المي أشرب هواي مرات يروح تفكيري الهم لما تحاجيني اية وتزعل مني بس موو بأيدي
باوعت لصقر ألي ابتسم مرة ثانيه
أيد جدي الي كفخت صقر خلتني افطس ضحك

جدي...ولك شبيك صقيران بس تتبسم ألي يشوفك يكول عاشگ
صقر... لا جدي شني السالفة ميصير اضحك
جدي...موو على حفيدتي تضحك
دار وجهه عليه وكال...كملي جدي كملي
بيبي...يااا حجي جاا شبيك حتى أني متحجي وياي بهلكلام الحلوو
ريتاج... شنو بيبي تغارين
جدي...متغار لأن تعرف گلبي منوو بيه
أبتسمت على كلامهم جنهم شباب على غزلهم هذا
أسراء...صقر ضوك البرياني طبخ ايدي

صقر... شكرا بس اني ما احب البرياني ما أكله
اسراء...صدك و..
جدي...خل نكمل الموضوع نصوا صوتكم .. باوعلي وغمز..ميصير هيج تسوين الله سبحانه وتعالى ميقبل تأذين روحج الجسد الي وهبه الج هذا الجسم الحلو والعقل الرزين غير تحافظين عليهن هدية من ربج اهلج بأذن من الله يرجعون ومرتضى ما بيه شي يرجع مثل القرد واحسن بس أدعي الله يفتحها والتفكير ما منه فايدة لا يقدم ولا يأخر بين فترة وثانية خابري وأستفسري وميصير الا الخير "وقل لن يصيبنا الا ما كتب الله لنا"