ريتاج

في أمان الله

بس مشتاقلك ما راح اكلك شي 💔

........

انتضر صقر يجي صار ساعة انتضرة وماكوو ..الافكار عندي صعدت فول وبعد ما اكدر اركز من التوتر

انفتحت الباب وفات صقر يبتسم

ريتاج... فرحان صاير شي ضحكني وياك
صقر... لا ماكوو شي بس جنت واكف ويه الولد وسوالفهم تونس
ريتاج... الله يديم الضحكة استاذ صقر

صقر...  ريتاج من الاخير كولي شصاير حيل تعبان اليوم ومابيه حيل اتعارك
ريتاج... نتعارك منوو كال هيج بس ردت أسال عنك شنوو شعورك واختك تزوجت فرحان زعلان

مدري ليش مجاي احجي وياه بكل صراحة اني خايفة المفروض هوه يخاف من يعرف اني رديت على مكالمة

صقر... شني هلصفنة احجي يله اسمعج
ريتاج... ورح تجاوبني بصراحة
صقر... يي
ريتاج... ما اعتقد

صقر... رح تحجين لو شلون
ريتاج... دك رقم غريب عليك واني جاوبت
صقر... اي

ريتاج... وطلعت بنية
صقر... اي شكلتيلها
ريتاج... لا ابدا ما لحكت اكول شي بس سمعت صوتي سدته بوجهي

صقر... كملي
ريتاج... شنوو كملي صقر كعد احجيلك قصة اني كولي منوو هاي
صقر... غير تكوليلي شكالت حتى اكدر اجاوبج
ريتاج... جاوبت وصاحت أسمك يعني تعرفك واعتذرت منك ليش بنية متعرفك تعتذر منك فهمني ولا نوب تعرف اسمك العينتين

صقر... هديتي
ريتاج... لا فهمني منوو هاي وليش اسمها ما مسجل
صقر... لأن ما اعرف اسمها كلش واضح
ريتاج... صقر لتخبلني شتقصد

صقر... كعدي خل افهمج بهلطريقة ابد ما رح نخلص

كعدت على كرسي كبال الجرباية وكلت...كول فهمني

صقر... مرة ابنها بالسجن بتهمة مال مخدرات والمرة فقيرة متعرف احد يساعدها وحالتهم المادية موو كلش زينة انطيتها رقمي حتى تدك عليه اذا احتاجت شي

ريتاج... شدخل البنية بالموضوع الصوت بال تلفون صوت بنية عمرها بالعشرين موو مرة جبيرة

صقر... بتها اخذت الرقم وضلت تدك عليه واني كل شويه امسح الرقم لهلسبب ما حفظته بالسجلات

ريتاج... معقولة
صقر ... يعني ما مصدكتني ريتاج هيه هاي الثقة مالتج

ريتاج... المشكلة موو مشكلة ثقة صقر اذا انته شفت مبايلي يدك انته رديت طلع رقم غريب و الي رد عليك ولد يصيحلي بسمي ويكول ريتاج اني اسف شنوو رح تسوي رح تضل عادي لو تجي تستفسر مني 

تنفس بصوت عالي وكال
صقر... وهسه
ريتاج... شنوو
صقر... صدكتيني لو لا

ريتاج... دقيقة

اخذت موبايلة مرة ثانية دورت بالسجلات على رقم مالتها غير مسجل ولكيته حطيته بالقائمة السوداء